Rashmika Mandanna & Vijay Deverakonda : साउथ इंडस्ट्रीतील सर्वात प्रसिद्ध जोडपे रश्मिका मंदान्ना आणि विजय देवरकोंडा यांच्या लग्नाची बरेच दिवसांपासून चर्चा सुरु असलेली पाहायला मिळाली. अखेर आता त्यांच्या लग्नाच्या बातमीवर दोघांनी शिक्कामोर्तब केला आहे. रश्मिका आणि विजय पुढील आठवड्यात उदयपूरमध्ये एका खासगी समारंभात लग्न करणार आहेत. मात्र, दोघांनी अद्याप याबाबत कोणतीही औपचारिक घोषणा केलेली नाही. पण रविवारी त्यांनी आपापल्या इन्स्टाग्राम स्टोरीजवर पोस्ट शेअर करून त्यांच्या लग्नाची पुष्टी केली. दोघांच्या लग्नाच्या बातमीने त्यांच्या चाहत्यांमध्ये आनंदाचं वातावरण पाहायला मिळत आहे.
रश्मिका आणि विजय यांनी शेअर केलेल्या पोस्टमध्ये असं म्हटलं होतं की, “आमच्या प्रिय मित्रांनो. आम्ही कोणतीही योजना करण्यापूर्वी, आम्ही स्वतःसाठी काहीही निवडण्यापूर्वी – तुम्ही आधीच आमच्याबरोबर होता. तुम्ही आम्हाला खूप प्रेमाने नाव दिलेत. तुम्ही आम्हाला ‘विरोश’ म्हणता. म्हणून आज – आमच्या सर्व अंतःकरणाने, आम्ही हा संघ तुमच्या सन्मानार्थ समर्पित करतो. त्यांनी पुढे लिहिले, “आम्हाला त्याचे नाव ‘विरोश की शादी’ (रेड हार्ट इमोजी) ठेवायचे आहे”.
आणखी वाचा – ‘लग्नाची बेडी’ फेम अभिनेत्रीने घेतलं हक्काचं घर! गृहप्रवेशाचे फोटो समोर, प्रेक्षकांकडून शुभेच्छांचा वर्षाव
रश्मिका आणि विजय देवरकोंडा यांनी गेल्या वर्षी ऑक्टोबरमध्ये हैदराबादमध्ये शांतपणे साखरपुडा समारंभ उरकला आणि आता ते २६ फेब्रुवारी रोजी उदयपूरमध्ये लग्न करणार आहेत. त्यांनी ३ ऑक्टोबर रोजी हैदराबादमध्ये अंगठी घालण्याचा कार्यक्रम केला. ‘गीता गोविंदम’ (2018) आणि ‘डियर कॉम्रेड’ (2019) मध्ये एकत्र काम केल्यापासून या दोघांमध्ये प्रेमसंबंध असल्याच्या अफवा सुरु होत्या.
आणखी वाचा – “लिमिट्स क्रॉस करू नकोस”, भाऊच्या धक्क्यावर राखी-रुचितामध्ये राडा, “तुम्ही लवलपाटा करता…”
गेल्या वर्षी डिसेंबरमध्ये, जोडप्याच्या जवळच्या एका सूत्राने सांगितले होते की रश्मिका आणि विजय २६ फेब्रुवारी रोजी उदयपूरमधील ऐतिहासिक राजवाड्यात लग्न करणार आहेत. हैदराबादला परतल्यानंतर तो आपल्या चित्रपट मित्रांसाठी रिसेप्शनही आयोजित करणार आहे. दरम्यान आता रश्मिका आणि विजय त्यांच्या टीमसह एयरपोर्टला स्पॉट झाले आणि दोघेही जयपूरच्या दिशेने रवाना होताना दिसले. यावरुन आता दोघांची लगीनघाई सुरु झाली असल्याचं समोर आलं आहे.
