Naga Chaitnya and Shobhita Dhulipala engagement : साऊथ सुपरस्टार नागार्जुनचा मुलगा नागा चैतन्य हा अभिनय क्षेत्रात अधिक प्रसिद्ध आहे. त्याने आजवर अनेक चित्रपटांमध्ये त्याने महत्त्वपूर्ण भूमिका साकारल्या आहेत. त्याच्या व्यावसायिक आयुष्याबरोबरच तो खासगी आयुष्यामुळेही अधिक चर्चेत राहिला आहे. नागा चैतन्यने २०१७ साली समंथा रुथ प्रभूबरोबर लग्नबंधनात अडकला. दोघांचे लग्न थाटामाटात पार पडले होते. समंथादेखील साऊथमधील एक लोकप्रिय अभिनेत्रींपैकी एक आहे. दोघांच्याही लग्नासाठी अनेक दिग्गजांनी हजेरी लावली होती. मात्र लग्नाच्या काही वर्षातच दोघांमध्ये मतभेद झाले आणि त्यांनी वेगळं होण्याचा निर्णय घेतला. त्यांचा घटस्फोटाची चर्चादेखील मोठ्या प्रमाणात झाली होती.
नागा चैतन्य व समंथा यांचा घटस्फोट झाल्यानंतर नागा चैतन्य व अभिनेत्री शोभिता धुलिपाला हे एकमेकांना डेट करत असल्याच्या चर्चा सुरु झाल्या होत्या. अशातच आता दोघांचाही साखरपुडा पार पडला आहे. त्यांचे फोटो सोशल मीडियावर मोठ्या प्रमाणात व्हायरल झाले आहेत. नागार्जुन यांनी स्वतः सोशल मीडिया हँडलवरुन फोटो शेअर करत पोस्ट केली आहे. या पोस्टमध्ये लिहिले आहे की, “आम्हाला हे सांगायला खूप आनंद होत आहे की माझा मुलगा नागा चैतन्य व शोभिता धुलिपाला यांचा साखरपुडा आज सकलाई ९ वाजून ४२ मिनिटांनी पार पडला. आम्ही तिचे या घरात स्वागत करण्यास खूप उत्सुक आहोत. नवीन जोडप्याला खूप साऱ्या शुभेच्छा. आयुष्यभर असेच आनंदी राहा. 8.8.8 प्रेमाची सुरुवात”.
दरम्यान नागा चैतन्य व शोभिता यांच्या लग्नाची तारीख अद्याप समोर आली नाही. दोघांच्याही चाहत्यांना खूप आनंद झालेलादेखील दिसून येत आहे. नागार्जुन यांच्या पोस्टवर अनेक चाहत्यांनी पसंती दिली असून शुभेच्छांचा वर्षावदेखील केला आहे.
दरम्यान शोभिताच्या कामाबद्दल सांगायचे झाले तर तिने आजवर अनेक हिंदी, तमिळ, तेलगू अशा भाषांच्या चित्रपटांमध्ये काम केले आहे. तसेच अनेक वेबसीरिजमध्येही महत्त्वाच्या भूमिका तिने साकारल्या आहेत. ‘द नाइट मॅनेजर’, “पोन्नियन सेलवान’, ‘मेजर’, ‘द बॉडी’ अशा अनेक चित्रपटांमध्ये केलेल्या तिच्या भूमिकेला खूप पसंती मिळाली आहे.
