Zubeen Garg Death : बॉलिवूड चित्रपट ‘गँगस्टर’मधील ‘या अली’ फेम गायक झुबीन गर्ग यांच्या निधनाच्या बातमीने साऱ्यांना धक्का बसला. त्यांचे सिंगापूर येथे एका दुर्घटनेत मृत्यू झाल्याचे समोर आले. स्कूबा डायव्हिंग दरम्यान झालेल्या अपघातामुळे त्यांचे अकाली निधन झाले. अशी बातमी आहे की जुबिन सिंगापूरला नॉर्थ ईस्ट फेस्टिव्हलमध्ये भाग घेण्यासाठी जात असत, जिथे तो २० सप्टेंबर रोजी परफॉर्मन्स सादर करणार होता. त्याच्या मृत्यूच्या बातम्यांमुळे त्याचे कुटुंब, प्रियजन तसेच आसाममधील लोक आणि जगभरातील त्याच्या चाहत्यांना मोठा धक्का बसला आहे. अशातच गायकाच्या इव्हेंट मॅनेजरचे पहिले अधिकृत निवेदन समोर आले आहे.
या निवेदनात त्यांनी असं म्हटलं आहे की, “आम्ही अत्यंत दुःखाने ही हृदयद्रावक बातमी शेअर करतो की आमचे प्रिय आयकॉन झुबीन गर्ग यांचे आज दुपारी २.३० वाजता सिंगापूर जनरल हॉस्पिटलमध्ये निधन झाले. झुबीन परवाच्या दिवशीच सिंगापूरला आले होते. उद्याच्या कार्यक्रमात ते आमच्यासोबत राहणार होते, लोकांना भेटणार होते आणि त्यांच्याशी संवाद साधणार होते. आज सकाळी, आमची संपूर्ण टीमची ईशान्य भारतातील गुंतवणूक सुलभ करण्यासाठी शांग्री-ला हॉटेलमध्ये सिंगापूरच्या वरिष्ठ उद्योगपती आणि धोरणकर्त्यांसोबत व्यावसायिक मीटिंग होती”.
आणखी वाचा – लग्नाआधीच गुडन्यूज?, भूषण प्रधान आणि केतकी नारायणच्या ‘त्या’ फोटोंची चर्चा, नेमकं प्रकरण काय?
टीमला या घटनेची माहिती कशी मिळाली याबाबत सांगताना मॅनेजरने स्पष्ट केले की, “मीटिंगदरम्यान, आम्हाला झुबीनच्या मॅनेजरचा फोन आला की त्याचा अपघात झाला आहे आणि त्याला सिंगापूरच्या जनरल हॉस्पिटलमध्ये नेण्यात आले आहे. आम्हाला नंतर कळले की स्थानिक आसामी कम्युनिटीचे काही लोक त्याला यॉचवर घेऊन गेले होते, ज्याची आम्हाला पूर्व माहिती नव्हती”.
आणखी वाचा – ‘या अली’ फेम गायक जुबिन गर्गचे धक्कादायक निधन, स्कुबा डायव्हिंगदरम्यान मार लागला आणि…
झुबीन गर्ग यांच्या अचानक निधनाने सिनेक्षेत्रात शोककळा पसरली आहे. अनेक सेलिब्रिटींनी त्यांच्या निधनावर शोक व्यक्त केला आहे. झुबीनने ‘चंदा’ (1996), ‘जलवा’ (1998), ‘यही कभी’ (1998), ‘जादू’ (1999), ‘स्पर्श’ (2000), या चित्रपटातील गाण्यांना आवाज दिला आहे. त्याने ‘गद्दार’ (1995), ‘दिल से’ (1998), ‘डोली सजा के रखना’ (1998), ‘फिजा’ (2000), ‘कांटे’ (2002) या चित्रपटातील गाणीही केली.
