Meghan Jadhav-Anushka Pimputkar Wedding: ‘लक्ष्मी निवास’ मालिकेत जयंतची भूमिका साकारणारा अभिनेता मेघन जाधव कायमच चर्चेत असतो. मात्र सध्या तो त्याच्या वैयक्तिक आयुष्यामुळे चर्चेत आला आहे. अभिनेत्यानं काही दिवसांपूर्वी सोशल मीडियावर फोटो शेअर करत प्रेमाची कबुली दिली होती. मेघन जाधव अनुष्का पिंपुटकरसह लग्न करणार असल्याच्या चर्चा सुरू झाल्या आणि या चर्चा सत्यात उतरल्या. त्यानंतर मेघनने माध्यमांना दिलेल्या मुलाखतीमध्ये नोव्हेंबर महिन्यात लग्न करणार असल्याचं सांगितलं. अशातच नुकताच मेघन जाधव १६ नोव्हेंबर रोजी अनुष्का पिंपुटकरसह लग्नबंधनात अडकला. अनेक मराठी कलाकारांची या लग्न सोहळ्याला उपस्थिती पाहायला मिळाली.
आणखी वाचा : राजकुमार राव आणि पत्रलेखा यांना कन्यारत्न, लग्नाच्या वाढदिवशीच झाले आई-बाबा, कुटुंबामध्ये आनंदाचं वातावरण
सध्या सोशल मीडियावर मेघन-अनुष्काच्या लग्नाचे फोटो आणि व्हिडीओ चांगलेच व्हायरल होत आहेत. याचबरोबर अवाढव्य खर्च न करता त्यांच्या सध्या लग्न सोहळ्याने सर्वांचं लक्ष वेधून घेतलं आहे. तसेच त्यांचा लग्नातील लूकमध्ये ही साधेपणा दिसून आला. मेघनने ऑफ व्हाईट रंगाची शेरवानी परिधान केली असून त्यावर लाल रंगाचा शेला घेतला होता तर अनुष्काने गुलाबी रंगाची नऊवारी साडी नेसून पारंपरिक लूक केला होता. लग्न सोहळ्यसाठी कोणताही अवाढव्य खर्च न करता त्यांच्या साधेपणाने सर्वांचं लक्ष वेधून घेतलं आहे. तर अनेक चाहत्यांनी मेघन आणि अनुष्काला लग्नाच्या शुभेच्छा दिल्या आहेत.
आणखी वाचा : “तुम्हाला लाज नाही वाटत xxxx”, घराबाहेर उभ्या असलेल्या पापाराझींवर सनी देओल भडकला, म्हणाला, “तुमच्या घरी आई-वडील…https://marathi.itsmajja.com/sunny-deol-angry-on-paparazzi-media-after-sensitive-video-of-dharmendra-from-his-home-goes-viral/
मेघन आणि अनुष्का गेल्या काही वर्षांपासून रिलेशनशिपमध्ये होते. तर दोघांची भेट ‘रंग माझा वेगळा’ या मालिकेच्या सेटवर झाली होती. त्यादरम्यान दोघांची छान मैत्री झाली आणि हळूहळू या मैत्रीचं रूपांतर प्रेमात झालं. दोघांच्या ही कामाबद्दल बोलायच झाल्यास, मेधन जाधव सध्या ‘लक्ष्मी निवास’ या लोकप्रिय मालिकेत जयंत’ची भूमिका साकारत आहे. तर अनुष्का पिंपुटकर सध्या ‘लग्नानंतर होईलच प्रेम’ या मालिकेत काम करत आहे.
