सिद्धार्थ आणि अदिती राव हैदरी यांनी काही दिवसांपूर्वीच तेलंगणामध्ये गुपचूप साखरपुडा सोहळा उरकला. जेव्हा अभिनेत्याने इंस्टाग्रामवर याबाबतचा खुलासा केला तेव्हा चाहत्यांना आश्चर्याचा धक्का बसला. दरम्यान दोघांनी तेलंगणामध्ये लग्न केल्याची अफवाही सर्वत्र पसरली होती. ‘गलाट्टा गोल्डन स्टार्स’ या कार्यक्रमात सिद्धार्थने आदिती आणि त्याच्या साखरपुडा समारंभाबाबत मोकळेपणाने भाष्य केलं आहे. याशिवाय दोघेही केव्हा लग्नबंधनात अडकणार यावरही मौन सोडलं आहे. (Siddharth And Aditi Rao Hydari Wedding)
२७ मार्च रोजी सिद्धार्थ आणि आदिती यांचा साखरपुडा समारंभ पार पडला. दोघांनीही त्यांच्या साखरपुड्याबाबत कोणतीही घोषणा केली नव्हती. त्यामुळे दोघांनी लग्न केल्याची चर्चा रंगली. या चर्चांना पूर्णविराम देत दोघांनीही त्यांच्या इंस्टाग्रामवर त्यांच्या अंगठीचा फोटो शेअर करत साखरपुडा केल्याचं सांगितलं. याबाबत बोलताना सिद्धार्थ म्हणाला, “अनेक लोकांनी मला विचारले की आम्ही गुपचूप साखरपुडा का केला?, कुटुंबाबरोबर एकांतात काहीतरी करणे आणि गुप्तपणे काहीतरी करणे यात खूप फरक आहे”. पुढे तो असंही म्हणाला की, “ज्यांना आम्ही आमंत्रित केले नाही त्यांना वाटते की यामागे काही रहस्य आहे, परंतु जे या कार्यक्रमाला उपस्थित होते त्यांना माहित आहे की, हा एक खासगी सोहळा होता. ज्यामध्ये फक्त कुटुंब आणि नातेवाईकांचा समावेश होता”.
बाप-लेकीचं अनोखं नातं! श्रेयस तळपदेचं लेकीबरोबर आहे खास बॉण्डिंग, बायकोने फोटो शेअर करताच दिसली झलक
सिद्धार्थला विचारण्यात आले की, “अदिती तुला केव्हा हो म्हणाली?”, यावर तो गंमतीत म्हणाला, “तिने हो म्हटलं तरी काही फरक पडत नाही”. तो म्हणाला, “तिला हो म्हणायला किती वेळ लागला हा प्रश्न विचारायलाच नको. शेवटी निकाल हो किंवा नाही असा असावा हे महत्त्वाचं. ती हो म्हणेल की नाही याची मला काळजी वाटत होती. पण सुदैवाने मी पास झालो. लग्नाची तारीख कुटुंबातील ज्येष्ठांवर अवलंबून असेल. याबाबत त्यांचं म्हणणं काय आहे, ते महत्त्वाचे ठरेल. हे शूटिंगच्या तारखेसारखे नाही की मी ठरवू शकेन, ती आयुष्यभराची तारीख आहे. त्यांनी एकदा निर्णय घेतला की लग्न योग्य वेळी होईल”.
“ प्रार्थना अधिक करा आणि…”, दीपिका पदुकोणच्या नवीन पोस्टने वेधलं लक्ष, म्हणाली, “तुलना करणं…”
सिद्धार्थ लवकरच शंकरच्या ‘इंडियन २’मध्ये देखील दिसणार आहे, ज्यामध्ये कमल हासन, काजल अग्रवाल आणि रकुल प्रीत सिंग यांच्याही भूमिका आहेत.
