छोट्या पडद्यावर सध्या वेगवेगळ्या विषयांवर आधारित मालिका प्रदर्शित होताना दिसत आहेत. त्यामधील काही मालिका टीआरपी यादीमध्ये अव्वल स्थान पटकावताना दिसत आहेत. अशातच काही दिवसांपूर्वी प्रदर्शित झालेल्या शिवा या मालिकेलाही प्रेक्षकांची पसंती मिळत आहे. अन्यायाला भिडणारी, हक्कासाठी लढणारी, लीडर तसेच जबरदस्त फायटिंग करताना दिसणाऱ्या या शिवाची अनोखी कथा आहे. प्रत्येकाच्या मदतीला धावून जाणाऱ्या शिवाचा मालिकेतील प्रवास साऱ्यांच्या पसंतीस पडत आहे. (Shiva Serial Update)
मात्र सध्या मालिकेत शिवा व आशुच लग्न पाहायला मिळालं. आशुबरोबर लग्न झाल्यानंतर शिवाचं आयुष्य पूर्णतः बदललं. हे लग्न शिवा व राम भाऊ सोडून कोणालाच मान्य नसलेलं पाहायला मिळालं. आशुनेही शिवाला बायकोचा दर्जा दिला नाही. त्यामुळे शिवासाठी सासरी वावरणं फार कठीण होऊन बसलं आहे. रामभाऊंची शिवाला मिळालेली साथ या एका गोष्टीवरचं ती या घरात तग धरुन आहे. अशातच मालिकेचा एक प्रोमो समोर आला आहे. या प्रोमोमध्ये शिवाच्या चुकींचं वाचन तिच्या सासूबाईंनी केलेलं पाहायला मिळालं. हे शिवाबरोबर राम भाऊंनाही ऐकणं कठीण झालं.
मालिकेच्या समोर आलेल्या प्रोमोमध्ये पूजेनंतर शिवाच्या चुका पाहून सीता आक्रोश करते. “पूजेला काय चाललं होत बघितलं नाही का तुम्ही?, पंचामृत सांडलं, अहो साधं हळद-कुंकू लावायची अक्कल नाही तिला, असं शिवाची सासू सीता बोलते. हे ऐकून शिवाच्या डोळ्यात अश्रू येतात. शिवाला अश्रू अनावर होतात. त्यानंतर सगळेचजण चहा पीत असतात, तेव्हा रामभाऊ मस्त चहा झाला आहे असं बोलतात. यावर शिवाची चुलत सासू हा चहा शिवाने बनवला असल्याचं सांगतात. हे ऐकून पुन्हा सीता शिवाला बोलण्याची संधी सोडत नाही.
सीता पुन्हा म्हणते, “हा चहा आहे. फक्त मारामारी करता येत तिला. बस्स. आता या घरात एकतर मी राहीन नाहीतर ही मुलगी राहील”. सीताचा शिवाबद्दलचा हा आक्रोश पाहून राम भाऊंना वाईट वाटतं. राम भाऊ याचा इतका धसका घेतात की अचानक त्यांच्या छातीत दुखू लागतं. आता सीताचा हा आक्रोश आणि शिवा वरील राग रामभाऊंच्या जीवावर बेतणार का?, हे पाहणं मालिकेत रंजक ठरेल.
