‘झी मराठी’ वाहिनीवरील ‘शिवा’ या मालिकेत खूप मोठा ट्विस्ट आला आहे. मालिकेत एकामागोमाग एक ट्विस्ट येताना पाहायला मिळत आहे. सध्या मालिकेत शिवा व आशु यांचा शाही विवाहसोहळा संपन्न झालेला पाहायला मिळाला आहे. मालिकेत शिवा व आशु या दोघांचं मनाविरोधात लग्न झालं आहे. ‘शिवा’ हे पात्र मालिकेत बेधडक, स्पष्ट, नेहमीच सगळ्यांच्या मदतीला जाणार आहे. हे पात्र मालिकेत अभिनेत्री पूर्वा फडके साकारत आहे. पूर्वाने याआधी अनेक मालिकांमधून प्रेक्षकांची मन जिंकली आहेत. (Purva Phadke Look)
सोशल मीडियावरही पूर्वा बऱ्यापैकी सक्रिय असते. नेहमीच ती काही ना काही शेअर करत चाहत्यांच्या संपर्कात राहत असते. शिवा या मालिकेत येण्यापूर्वी पूर्वा खूप वेगळी दिसायची. कलाकार मंडळी त्यांची भूमिका साकारण्यासाठी नेहमीच विशेष मेहनत घेत असतात. बरेचदा भूमिकेसाठी वजन कमी-जास्त करणे हे सुरुच असतं. पण शक्यतो भूमिकेसाठी केस कापले असं फार कमी कलाकारांच्या बाबतीत कानावर येतं. अशीच भूमिकेसाठी शिवा या मालिकेतील पुर्वा हिने विशेष मेहनत घेतली असल्याचं पाहायला मिळत आहे.
आणखी वाचा – अभिषेक बच्चनने बोरिवलीत खरेदी केले एक नव्हे तर तब्बल सहा घरं, किंमत ऐकून व्हाल थक्क
शिवा या भूमिकेसाठी पूर्वाने बॉब कट केला आहे. ‘इट्स मज्जा’ या चॅनलला दिलेल्या मुलाखतीत पहिल्यांदाच तिने याबाबत भाष्य केलं आहे. पूर्वा या मालिकेत येण्यापूर्वी तिचे केस हे मोठे होते. पूर्वाने या मालिकेतील भूमिकेसाठी बॉब कट केला आहे. यापूर्वी तिचे केस मोठे होते. ती मोठ्या केसांमध्येही खूप सुंदर दिसायची. मात्र पूर्वाला लूक बदलायला फार आवडतं.
याबाबत बोलताना पुर्वा म्हणाली, “हो. मी या भूमिकेसाठी खरंच केस कापले आहेत. आणि हा लूक मला चांगला वाटतोय. माझ्या दोन्ही सासूबाईंचा बॉब कट आहे. त्यामुळे मी जेव्हा केस कापून त्यांच्यासमोर गेले तेव्हा त्या म्हणाल्या अगं खूप छान दिसतंय. माझा नवरा अमोघ पण बोलला तू अशी राहू शकतेस, ही हेअरस्टाईल तुला छान दिसतेय. त्याने माझ्या सासूला बॉब कटमध्ये पाहिलं आहे त्यामुळे त्याला नवल असं काही वाटलं नाही. सुरुवातीला थोडं बघताना त्यालाही धक्का बसला असेल, मात्र तो मला बोलला की तुला या नव्या हेअरस्टाईलमध्ये बघायची हळूहळू सवय होईल”.
