Shiv Thakrey Reaction Wedding News: ‘बिग बॉस’मधून घराघरात पोहोचलेला अभिनेता शिव ठाकरे सध्या पुन्हा एकदा चर्चेत आला आहे, पण यावेळी त्याच्या कामामुळे नव्हे, तर वैयक्तिक आयुष्यामुळे. काही दिवसांपूर्वी शिवने सोशल मीडियावर शेअर केलेल्या एका फोटोमुळे त्याच्या लग्नाबाबत जोरदार चर्चा रंगल्या होत्या. अखेर या चर्चांवर स्वतः शिव ठाकरेने प्रतिक्रिया देत सर्व संभ्रम दूर केला आहे. सोशल मीडियावर सक्रिय असलेला शिव ठाकरे आपल्या दैनंदिन आयुष्यातील घडामोडी चाहत्यांसोबत शेअर करत असतो.
काही दिवसांपूर्वी त्याने एक फोटो पोस्ट केला होता, ज्यामध्ये तो नवरदेवाच्या लूकमध्ये दिसत होता. त्या फोटोमध्ये त्याच्यासोबत एक तरुणीही होती आणि दोघांचे लग्न होत असल्याचा आभास निर्माण झाला होता. विशेष म्हणजे, या फोटोला शिवने “फायनली” असं कॅप्शन दिल्यामुळे चाहत्यांना त्याचं खरंच लग्न ठरलं असल्याचं वाटू लागलं. मात्र, काही वेळातच शिवने तोच फोटो इन्स्टाग्राम स्टोरीवर शेअर करत “नवीन वर्षातील पहिलं शूट” असं लिहिलं आणि हे लग्न नसून फक्त शूटिंग असल्याचं स्पष्ट केलं. तरीही चर्चांना पूर्णविराम लागला नव्हता. (Shiv Thakrey Reaction Wedding News)
आणखी वाचा – ‘पारू’ फेम अभिनेत्रीने खरेदी केली नवी कार; ‘तो’ व्हिडीओ शेअर करत म्हणाली,“माझी नवीन कार…”
अशातच माध्यमांशी संवाद साधताना शिव ठाकरेने लग्नाबाबत स्पष्ट भूमिका मांडली आहे. तो म्हणाला की, “मी याच वर्षी लग्न करणार आहे. सध्या मुलगी शोधण्याचं काम सुरू आहे.” एका व्हायरल व्हिडीओमध्ये त्याला ‘वहिनी कुठे आहे?’ असं विचारलं असता, तो हसत म्हणाला, “कोणती वहिनी? ते मॅनिफेस्ट होतं, शूटिंग होतं.” पुढे तो म्हणाला, “तुम्ही लोकांनी त्या फोटोला एवढं प्रेम दिलं की आता खरंच लग्न करावं लागेल.” लग्न कधी करणार, या प्रश्नावर तो ठामपणे म्हणाला, “याच वर्षी करणार. देव जिथे ठरवेल तिच्याशीच लग्न होईल. शोध सुरू आहे आणि बायोडेटाही तयार आहे” लग्नाची जबाबदारी कोण ठरवणार, यावर शिवने सांगितलं की, “हो, आईच ठरवणार.” शिव ठाकरेच्या या वक्तव्यामुळे त्याच्या चाहत्यांमध्ये उत्सुकता वाढली आहे, आता खऱ्या आयुष्यातील ‘वहिनी’ कधी समोर येणार, याकडे सर्वांचं लक्ष लागलं आहे. (Shiv Thakrey Reaction Wedding News)
आणखी वाचा – भाऊच्या धक्क्यावर तन्वीनंतर रितेश देशमुखने रुचिताला चांगलंच झापलं; म्हणाला, “स्वतःलाच पंजे मारणारी वाघीण”
