“मुंबईत राहून अजून मराठी येत नाही?”, मराठमोळ्या अभिनेत्रीने कपिल शर्माला धारेवर धरलं आणि…; जुना व्हिडीओ समोर

Marathi Actress Scold Kapil Sharma : सध्या महाराष्ट्रात मराठी-हिंदी हा वाद पेटून उठलेला पाहायला मिळाला. प्रत्येक दिवशी या प्रकरणासंबंधित वाद कोणत्या ना कोणत्या ठिकाणाहून ऐकू येतो. काही दिवसांपूर्वी राज्य सरकारने इयत्ता पहिलीपासून त्रिभाषा सूत्र लागू केले आणि अभ्यासक्रमात हिंदी भाषा सक्तीची केली त्यावेळी सरकारविरोधात संतापाची लाट उसळलेली पाहायला मिळाली. केवळ सर्वसामान्यच नव्हे तर सेलिब्रिटी मंडळीही या निर्णयाचा निषेध करताना दिसले. अनेक कलाकारांनी त्यांच्या सोशल मिडीया अकाउंटवर यासंदर्भात पोस्ट शेअर करत याबाबतचा राग व्यक्त केला. दरम्यान, सरकारने हा निर्णय मागे गेतल्यानंतर राजकीय वर्तुळात मोठी घडामोड झाल्याचं पाहायला मिळालं.

गेल्या वीस वर्षात जे शक्य झालं नाही ते या मराठी भाषेने करुन दाखवलं. राज ठाकरे आणि उद्धव ठाकरे या ठाकरे बांधवांनी एकत्र येत मराठी भाषेच्या मागे खंबीरपणे उभं राहण्याचं ठरवलं. एकाच मंचावर येत या दोघांनी हात मिळवणी केली आणि हे पाहून अनेकांचे डोळेही पाणावले. राज ठाकरे आणि उद्धव ठाकरे यांच्या एकत्र येण्याने बऱ्याच नागरिकांच्या डोळ्यात चमक पाहायला मिळाली. हा मराठी भाषेचा वाद सुरु असताना एका शोमधील एक व्हिडीओ तुफान व्हायरल होत आहे. हा व्हिडीओ कपिल शर्मा शोमधील आहे.

आणखी वाचा – फराह खानच्या किचनमध्ये वाढलेलं झुरळांचं वास्तव्य, ‘या’ एका युक्तीने सोडवला प्रश्न, व्हिडीओद्वारे दाखविली झलक

तुला मुंबईत राहून मराठी येत नाही ?#मराठी pic.twitter.com/fSoz4sNv4Z

— बृहन्महाराष्ट्र मराठी मंडळ (@RetweetMarathi) July 6, 2025

अभिनेता आणि विनोदी कलाकार कपिल शर्मा यांचा एक जुना व्हिडीओ समोर आला आहे. कपिल शर्मा शोमधील या व्हिडीओमध्ये एक मराठी अभिनेत्री कपिल शर्माची मराठी न येण्यावरुन शाळा घेताना दिसत आहे. ही अभिनेत्री म्हणजे शिबानी दांडेकर. शिबानीने कपिलला म्हटले की, ‘तू इथे मला का बोलावलं आहेस?’. मग ती म्हणते की मला मराठी येत तुला येतं का मराठी? यावर कपिल निरुत्तर होतो.

आणखी वाचा – करीना कपूरचा PRADA ला टोमणा, कोल्हापुरी चप्पल पायात घालत फोटोही केला शेअर, म्हणाली…

मग शिवानी सांगते, ‘मला इंग्लिश बोलता येतं, मराठी येतं… पण तू हिंदीत बोलतो! आता काय करायचं… ? मुंबईमध्ये राहून तुला अजून मराठी येत नाही?’. शिबानीच्या या विधानामुळे तिथे उपस्थित असलेल्या प्रेक्षकांमध्ये हास्य पाहायला मिळतंय. पण कपिलचा चेहरा मात्र पाहण्यासारखा झालेला असतो. हा व्हिडीओ खूप जुना आहे पण सध्या मराठी हिंदी भाषा वादात तो पुन्हा एकदा व्हायरल होऊ लागला आहे. कपिलला यामुळे नेटकऱ्यांकडून ट्रोलही केलं जात आहे.