Shefali Jariwala Wanted to Be Mother : ‘कांटा लगा’ या गाण्याने प्रसिद्धीस आलेली अभिनेत्री शेफाली जरीवालाचे वयाचे ४२ व्या वर्षी निधन झाले. हृदयविकाराच्या झटक्याने अभिनेत्रीने अखेरचा श्वास घेतला. अशातच अभिनेत्रीच्या मृत्यूचे खरे कारण पोस्ट -मॉर्टम अहवालानंतर येईल. बॉलिवूडमध्ये शेफालीच्या मृत्यूच्या बातमीनंतर सर्वत्र दुःखाची लाट उसळली आहे. अशा परिस्थितीत प्रत्येकाला तिच्याबद्दल जाणून घ्यायचे आहे. ४१ वर्षीय अभिनेत्रीचे लग्न झाले होते. आणि तिने अभिनेता पराग त्यागीसह लग्नगाठ बांधली. शेफाली जरीवालाला एखादं बाळ दत्तक घ्यायचे होते परंतु अचानक तिचा निर्णय बदलला.
‘टीओआय’ला दिलेल्या एका जुन्या मुलाखतीत शेफालीने सांगितले होते की, तिला आणि तिच्या नवऱ्याला एखादं बाळ दत्तक घ्यायचे आहे. कोरोना मॅजेस्टीमुळे त्यांची योजना लांबणीवर गेली. यावर शेफाली म्हणाली, “मला वाटते की प्रत्येक गोष्टीचा एक काळ आहे. जेव्हा गोष्टी घडायच्या असतात तेव्हाच त्या घडतात”. शेफालीने एखादं बाळ का दत्तक घेतले नाही यासंबंधी कारण देत तिने सांगितले की कोरोना साथीच्या रोगामुळे लॉकडाउनमध्ये सर्व काही बदलले. माझा अजूनही मूल दत्तक घेण्याचा हेतू आहे पण मला भीती वाटते. दोन वर्षांच्या महामारीने मला भविष्याबद्दल अनिश्चित केले आहे. यावेळी मी माझ्या जवळच्या बर्याच गोष्टी गमावल्या आहेत. या सर्व गोष्टीत असे दिसते की आयुष्य खूप नाजूक आहे. मला आई होण्यास भीती वाटते, परंतु माझे पती पराग बाळ दत्तक घेण्यास तयार आहेत”.
शेफाली पुढे म्हणाली, “मी पाहते की जेव्हा आपण त्यासाठी पूर्णपणे तयार असाल तेव्हाच आपण आपल्या मुलास घरी आणले पाहिजे. याचाच अर्थ असा की, केवळ पैशानेच नव्हे तर मानसिकदृष्ट्याही आपण तयार असणं आवश्यक आहे. मी याक्षणी माझी पावलं मागे घेतली आहेत आणि मी मुलाला दत्तक घेण्याचा निर्णय घेण्यास थांबले आहे”.
आणखी वाचा – “वेळ आली आहे…”, मृत्यूपूर्वी शेफाली जरीवालाने केलेली ‘ती’ पोस्ट चर्चेत, आयुष्याबाबत केलेलं भाष्य
शेफाली जरीवालाच्या कामाबद्दल बोलायचे झाले तर ती ‘कांटा लगा’ गाण्यासाठी ओळखली जाते. ती ‘बिग बॉस १३’ मध्ये देखील दिसली होती. तसेच ती ‘नच बलीए ५’, ‘नच बलीए ७’ आणि एडल्ट कॉमेडी सीरीज ‘बेबी कम ना’मध्ये दिसली.
