असे बरेच कलाकार आहेत जे त्यांच्या प्रियकरांबरोबरचे अनेक फोटो, व्हिडीओ सोशल मीडियावरून शेअर करत असतात. शिवाय बरेचदा ते त्यांच्या कुटुंबियांबरोबरच्या गमती जमती पोस्ट करत असतात. अशातच एका मराठमोळ्या अभिनेत्याने त्याच्या पत्नीसाठी एक खास पोस्ट शेअर केली आहे. त्याकडे साऱ्यांच्या नजरा वळल्या आहेत. हा अभिनेता दुसरा तिसरा कोणी नसून छोटा पडद्यावरील लोकप्रिय अभिनेता शशांक केतकर आहे. छोट्या पडद्यावरून आपली ओळख निर्माण करून चाहत्यांच्या मनात घर केलं. (Shashank Ketkar Special Post For Wife)
या मराठमोळ्या अभिनेत्याने पेशाने वकील असणाऱ्या प्रियांका ढवळेसह २०१७ मध्ये लग्नगाठ बांधली. सध्या ‘मुरांबा’ या मालिकेत शशांक अक्षय ही मुख्य भूमिका साकारतोय. सोशल मीडियावरही शशांकचा वावर नेहमीच पाहायला मिळतो. अशातच नुकतीच शशांकने बायकोच्या वाढदिवसानिमित्त सोशल मीडियावर खास पोस्ट शेअर केली आहे. शशांकची पत्नी प्रियांका ढवळेचा आज वाढदिवस आहे. प्रियांकाच्या वाढदिवसानिमित्त शशांकने बायकोबरोबरचे रोमॅंटिक फोटो शेअर करत तिला शुभेच्छा दिल्या आहेत. “तू असल्याने जगण्याला अर्थ आहे , नाहीतर हसणेही व्यर्थ आहे. Happy Birthday बायको”, असं त्याने कॅप्शनमध्ये म्हटलं आहे.
शशांकने शेअर केलेल्या या पोस्टकडे साऱ्यांचा नजरा वळल्या आहेत. शशांकच्या या पोस्टवर प्रियांकासाठी कौतुकाचा वर्षाव होत आहे. मराठी इंडस्ट्रीतील कलाकार मंडळींनी ही प्रियांकाला वाढदिवसानिमित्त कमेंट करत शुभेच्छा दिल्या आहेत. तसेच शशांकने शेअर केलेल्या बायकोबरोबरच्या रोमँटिक फोटोसवर प्रेक्षकांनी लाईक्सचा वर्षाव केला आहे. व्यवसायाने वकील असणाऱ्या प्रियंकाने स्वत:चा स्किनकेअर ब्रॅन्ड सुरु केला होता.
‘होणार सून मी या घरची’, ‘हे मन बावरे’ या मालिकांमुळे शशांक केतकरला खरी ओळख मिळाली आणि तो घराघरांत पोहोचला. सध्या ‘स्टार प्रवाह’ वाहिनीवरील ‘मुरांबा’ या मालिकेत मुख्य भूमिकेतून प्रेक्षकांच्या मनावर राज्य करतोय. मराठीसह शशांकने आता हिंदी सिनेसृष्टीतही आपली पावलं वळविली आहेत.