नाटक, मालिका, चित्रपट त्याचबरोबर ओटीटी अशा मनोरंजनाच्या अनेक माध्यमांत आपल्या नैसर्गिक व सहजसुंदर अभिनयाने आपली एक वेगळी ओळख निर्माण करणारी मराठमोळी अभिनेत्री म्हणजे अमृता सुभाष. अमृताला अभिनयाचा हाअ वारसा तिच्या आईकडून अर्थात ज्येष्ठ अभिनेत्री ज्योती सुभाष यांच्याकडून मिळाला आहे.
अमृता सुभाष तिच्या अभिनयाने कायमच चर्चेत राहत असते. त्याचबरोबर ती सोशल मीडियाद्वारेही चाहत्यांच्या संपर्कात राहत असते. सोशल मीडियाद्वारे ती तिच्या कामाची माहिती किंवा तिचे काही फोटो व व्हिडीओ चाहत्यांबरोबर शेअर करत असते. अशातच अमृताने नुकताच तिच्या इन्स्टाग्राम अकाऊंटद्वारे तिच्या आईचा म्हणजेच अभिनेत्री ज्योती सुभाष यांचा एक व्हिडीओ शेअर केला आहे.
वयाची ७५ गाठलेल्या ज्योती यांचा उत्साह एखाद्या तरुण कलाकाराला लाजवेल असाच आहे. त्याचं प्रत्यंतर अमृतानं सोशल मीडियावर शेअर केलेल्या व्हिडिओतून नक्की येतो. अमृताने आईचा अंगाई गातानाचा एक व्हिडीओ शेअर करत असं म्हटलं आहे की, “माझ्या आईला पुरस्कार मिळाला म्हणून तिचा धाकटा भाऊ, म्हणजेच माझे मामा-मामी पुण्याहून समारंभासाठी जात आहोत. या पुरस्कारामुळे आईचा आनंद गगनात मावेनासा झाला असून याच आनंदात तिने गाणे गेले आहे. आणि तिचा आवाज बघा”.
आणखी वाचा – मालिकांमध्ये काम करणारा चेहरा हरपला, सुप्रसिद्ध अभिनेत्रीचं हृदयविकाराच्या झटक्याने निधन, चाहतेही हळहळले
अमृताने पुढे असं म्हटलं आहे की, “हे गाणं म्हणजे ती लहानपणी गायलेली एक सुंदर अंगाई आहे, ज्यात असं म्हटलं आहे की आता सूर्य मावळतो आहे. पक्षी आपापल्या घरट्यात गेले आहेत. जंगलातून बासरीचे मधुर सूर ऐकू येत आहेत. रात्री चमेली आनंदाने डोलत आहे आणि आता माझ्या बाळाची झोपण्याची वेळ झाली आहे”. तसेच यापुढे आईला मिळालेल्या पुरस्कारामुळे मन भरून आल्याचीही भावना अमृताने व्यक्त केली आहे.
दरम्यान, अमृताने शेअर केलेल्या या व्हिडीओला चाहत्यांनी लाईक्स व कमेंट्सद्वारे चांगलाच प्रतिसाद दिला आहे. तसेच या व्हिडीओखाली समीर चौघुले, मनवा नाईक, नेहा दांदळे या कलाकारांसह अनेक चाहत्यांनी ज्योती सुभाष यांच्या गाण्याचे तसेच त्यांना मिळालेल्या पुरस्काराबद्दल त्यांचे अभिनंदनही केलं आहे.
