छोट्या पडद्यावरील ‘सातव्या मुलीची सातवी मुलगी’ ही मालिका दिवसेंदिवस खूपच उत्कंठावर्धक बनत चालली आहे. मालिकेत येणारे नवनवीन ट्विस्ट्स या मालिकेची प्रेक्षकांमध्ये उत्कंठा अधिकच वाढवत आहेत. त्यामुळे मालिकेत येणारा प्रत्येक नवीन ट्विस्ट पाहण्यासाठी प्रेक्षक आतुर असतात. मालिकेतील हे नवनवीन ट्विटस प्रेक्षकांना पाहण्याची उत्सुकता असते. अशातच मालिकेत नुकताच विरोचक हा राजाध्यक्षांच्या घरात आल्यामुळे नवीन संकट आले आहे.
विरोचकाने रुपालीला एक अदृश्य शक्ती दिल्यामुळे रुपाली त्या शक्तीचा कुटुंबियांविरुद्ध वापर करत आहे. रुपाली तिच्या संमोहित करण्याच्या शक्तीचा वापर केतकी व फाल्गुनी यांना वश करते. तसेच रुपालीने त्या दोघींनी कुणी त्रास दिला तर त्या स्वत:च एकमेकींचा जीव घेतील. त्यामुळे तिच्या या शक्तीविरुद्ध कसे लढायचं? असा प्रश्न नेत्रा-अद्वैत यांना पडला आहे. अशातच या मालिकेत आगामी भागात काय होणार? याचा एक प्रोमो समोर आला आहे.
आणखी वाचा – Video : लग्नानंतर नवऱ्यासह ऑस्ट्रेलियात धमाल, आता भारतात परतली पूजा सावंत, व्हिडीओ चर्चेत
यामध्ये नेत्रा-अद्वैत विरोचकाच्या शक्तीविरुद्ध कसं लढायचं याचा विचार करत आहेत. यामध्ये अद्वैत नेत्राला असं म्हणत आहे की, “आपल्याकडे विरोचकाच्या या शक्तीविरुद्ध लढण्याचा काही उपाय नाही का?” यावर नेत्रा असं म्हणते की, “कदाचित याचं उत्तर चौथ्या पेटीत असेल किंवा विरोचकाला पाचवी पेटी मिळाली आहे का?” असं म्हणते. त्यामुळे अद्वैत “आता विरोचकाच्या या शक्तीविरुद्ध लढणं फारच अवघड झालं आहे’ असं म्हणतो. पण यावर नेत्रा पुन्हा त्याला धीर देत “कठीण आहे पण अशक्य नाही” असं म्हणते.
त्यामुळे आता विरोचकाच्या या शक्तीविरुद्ध नेत्रा-अद्वैत कसे लढणार?, तसेच विरोचक त्याच्या शक्तीचा आणखी कुणाविरुद्ध वापर करणार? हे पाहण्यासाठी प्रेक्षक चांगलेच उत्सुक आहेत. विरोचकाने फाल्गुनी व केतकीला आपल्या संमोहित केले आहे. मग आता पुढे ती कुणाला संमोहित करणार का? याचीदेखील प्रेक्षकांना उत्सुकता लागून राहिली आहे.