मे महिना सुरु झाला आहे आणि यंदाचा उन्हाळा असह्य झाला असल्याचं पाहायला मिळतं. उन्हाच्या झाल्या न सोसवणाऱ्या आहेत. त्यामुळे बऱ्याच जणांच्या तब्येतीवर परिणाम होताना पाहायला मिळत आहे. बरेचदा डोकेदुखी, डिहायड्रेशन, पित्त यांसारखे आजार होताना दिसत आहेत. अर्थात या सगळ्यात त्वचेचेही हाल होताना दिसत आहेत. उन्हामुळे त्वचा टॅन होणं ही तक्रार हमखास केली जाते. यावर अनेकजण घरगुती उपाय वा तज्ज्ञांचे मार्गदर्शन घेताना दिसतात. दरम्यान अनेक कलाकारांच्या तेजस्वी, मुलायम त्वचेचं रहस्य नेमकं काय असा प्रश्न पडतो. अशातच एका लोकप्रिय अभिनेत्रीने तिच्या प्रेक्षकांसाठी उन्हाळ्यात त्वचेची काली कशी घ्यायची याबाबत सांगितलं आहे. (Titeeksha Tawde Gives Skin Tips)
‘सातव्या मुलीची सातवी मुलगी’ या मालिकेतून अभिनेत्री तितीक्षा तावडे घराघरांत पोहोचली. या मालिकेतील नेत्रा या भूमिकेमुळे तितीक्षाला खऱ्या अर्थाने लोकप्रियता मिळाली. काही दिवसांपूर्वीच अभिनेत्री अभिनेता सिद्धार्थ बोडकेसह लग्नबंधनात अडकली. तितीक्षाच्या सुंदर, मुलायम, चकाकणाऱ्या त्वचेचं रहस्य नेमकं काय आहे, या त्वचेची ती कशी काळजी घेते, इतरांनीही कशी काळजी घ्यायला हवी याबाबत तिने तिच्या युट्युब चॅनेलवरुन व्हिडीओ शेअर करत माहिती दिली आहे.
त्वचा ताजी, टवटवीत आणि चकाकणारी ठेवण्यासाठी खास टिप्स
चांगल्या त्वचेची पहिली स्टेप ही आहे की प्रत्येकाने आपल्या त्वचेला नाव न ठेवता, आपल्या त्वचेबद्दल सकारात्मक बोलणं.
दररोज न चुकता फेसवॉश करणे. आणि फेसवॉश केल्यानंतर टोनरने आपला चेहरा पुसून घ्यायचा. यामुळे चेहऱ्याला चमक येते आणि खूप फ्रेश वाटतं. शक्यता उन्हाळ्यात ही प्रक्रिया दररोज करावी.
मेकअप काढल्यानंतर बरेचदा चेहरा लाल होतो. चेहरा खरखरीत होतो यावेळी तुम्हीच शक्यतो तुमच्या त्वचेला सूट होईल असं सिरम वापरु शकता. शक्यतो कोरफडयुक्त असे सिरम तुम्ही वापरा. यामुळे लाल रॅशेस दिसणं बंद होतं.
उन्हाळ्यात त्वचा खूप तेलकट असते त्यामुळे मॉइश्चरायजर लावायचं नसत असं वाटायचं. पण हे पूर्णतः चुकीचं आहे. त्यामुळे प्रत्येकाने न चुकता मॉइश्चरायजर लावणं चांगल्या त्वचेसाठी वापरावं.
उन्हाळा सुरु असल्याने त्वचा टॅन होणं हे होतंच यासाठी प्रत्येकाने सनस्क्रीन वापरणं खूप आवश्यक आहे.
