अनेक उत्कंठावर्षक व रहस्यमय कथानकाने छोट्या पडद्यावरील प्रेक्षकांचे मनोरंजन करणारी लोकप्रिय मालिका म्हणजे झी मराठी वाहिनीवरील सातव्या मुलीची सातवी मुलगी ही मालिका. या मालिकेतील एका मागून एक नवनवीन ट्विस्ट हे येतच असतात. त्यामुळे मालिकेत येणारा प्रत्येक नवीन ट्विस्ट पाहण्यासाठी प्रेक्षक आतुर असतात. मालिकेतील हे नवनवीन ट्विटस प्रेक्षकांना पाहण्याची उत्सुकता असते. अशातच मालिकेत नुकताच विरोचक हा राजाध्यक्षांच्या घरात आल्यामुळे नवीन संकट आले असल्याचा नवीन ट्विस्ट आला.
विरोचकाने रुपालीला एक अदृश्य शक्ती दिल्यामुळे रुपाली त्या शक्तीचा कुटुंबियांविरुद्ध वापर करत आहे. रुपाली तिच्या संमोहित करण्याच्या शक्तीचा वापर करून केतकी व फाल्गुनी यांना वश करते. तसेच रुपालीने त्या दोघींनी कुणी त्रास दिला तर त्या स्वत:च एकमेकींचा जीव घेतील. त्यामुळे तिच्या या शक्तीविरुद्ध कसे लढायचं? असा प्रश्न नेत्रा-अद्वैत यांना पडला आहे. अशातच या मालिकेत आगामी भागात काय होणार? याचा एक प्रोमो समोर आला असून या प्रोमोमध्ये नेत्रा देवीच्या अवतारात पाहायला मिळत आहे.
मालिकेच्या या नवीन प्रोमोमध्ये नेत्रा रुपालीला “विरोचका तुझ्या या नवीन शक्तीला मी कधीच जिंकू देणार नाही” असं म्हणते. यावर विरोचक नेत्राला “जिंकण्या-हरण्याच्या वायफळ गोष्टी तुझ्यासारखे करतात नेत्रा, मी तर तुझ्या शेवटाचा कार्यक्रम आखला आहे’ असं उत्तर देते. यानंतर नेत्राविरुद्धच्या या लढाईत विरोचकाच्या बाजून संपूर्ण राजाध्यक्ष कुटुंबीय असल्याचे पाहायला मिळत आहे, तर नेत्राच्या बाजूने फक्त इंद्राणी व अद्वैत हे दोघेच पाहायला मिळत आहे. त्यामुळे विरोचकाने आपल्या संमोहित करण्याच्या शक्तीने संपूर्ण राजाध्यक्ष कुटुंबाला आपल्या बाजूने करुन घेतले आहे.
यापुढे नेत्रा अचानक देवीचे रूप घेतानाचेही या नवीन प्रोमोमध्ये पाहायला मिळत आहे. त्यामुळे त्रेतायुगात त्रिनयना देवीच्या संहारातून वाचलेला विरोचक आता कलियुगात पुन्हा देवीला समोरा जाणार आहे. त्यामुळे आता देवीआई या विरोचकाचा सामना कसा करणार? हे आगामी भागांत पाहणे उत्सुकतेचे ठरणार आहे. तसेच नेत्रा विरोचकाच्या तावडीतून राजाध्यक्ष कुटुंबियांना
