‘सारेगमप लिटल चॅम्प्स’ या लोकप्रिय रिऍलिटी शोमधून घराघरांत पोहोचलेली गायिका म्हणजे कार्तिकी गायकवाड. कार्तिकीने आजवर तिच्या गायनशैलीने प्रेक्षकांची मन जिंकली आहेत. याशिवाय कार्तिकीने विविध कार्यक्रम व चित्रपटांमध्ये गायलेल्या गाण्यांनी संगीतप्रेमींचं मनोरंजन केलं. ती जितकी तिच्या कामामुळे चर्चेत राहते, तितकीच ती तिच्या खासगी आयुष्यामुळे कायमच चर्चेत असते. अशातच कार्तिकीने नुकत्याच दिलेल्या गोड बातमीने साऱ्यांच्या नजरा वळवल्या आहेत. कार्तिकी लवकरच आई होणार आहे. कार्तिकीचा डोहाळ जेवणातील एक सुंदर असा व्हिडीओ समोर आला आहे. (Kartiki Gaikwad Goodnews)
लग्नाला चार वर्ष झाल्यानंतर आता कार्तिकीने गुडन्यूज दिली आहे. कार्तिकी लवकरच आई होणार आहे. कार्तिकीच्या डोहाळ जेवणातील एक व्हिडीओ सोशल मीडियावर व्हायरल होत आहे. यांत कार्तिकी व रोनित यांचा खास लूक लक्ष वेधून घेत आहे. कार्तिकीच्या डोहाळ जेवणातही राजेशाही थाटमाट साऱ्यांचं लक्ष वेधून घेत आहे. उपस्थित नातेवाईक, कुटुंबीय यांच्या समवेत हा डोहाळ जेवणाचा कार्यक्रम पार पडला आहे. या सोहळ्यासाठी खास नक्षीदार रांगोळीही काढलेली पाहायला मिळाली.
कार्तिकीच्या डोहाळ जेवणात ती व तिचा नवरा पारंपरिक अंदाजात दिसले. कार्तिकीने या खास दिवसासाठी हिरव्या रंगाची जरीची सुंदर साडी नेसली होती तर रोनित शेरवानीमध्ये दिसला. कार्तिकीने या खास सोहळ्यासाठी खास पारंपरिक दागिने घातले होते. अगदी हातात हात घालून कार्तिकी व रोनितने एंट्री घेतली. रोनित यावेळी कार्तिकीची काळजी घेतानाही दिसला. तर कार्तिकीचे आई-बाबा, भाऊही यावेळी या सोहळ्याला तिच्याबरोबर उपस्थित होते. अगदी शाही थाटामाटात कार्तिकीचा हा डोहाळ जेवणाचा कार्यक्रम पार पडलेला दिसला.
कार्तिकीने डिसेंबर २०२० साली व्यावसायिक रोनित पिसेशी लग्नगाठ बांधत सगळ्यांना सुखद धक्का दिला. कार्तिकी व रोनित यांचा शाही लग्नसोहळा पार पडला होता. त्यांच्या लग्नाचे अनेक फोटो सोशल मीडियावर व्हायरल झाले होते. कार्तिकी गायकवाडचा नवरा रोनित पिसे हा पेशाने व्यावसायिक आहे. तो पुण्याचा राहणारा असून इंजिनीअर आहे. विशेष म्हणजे रोनितलाही संगीताची आवड आहे.