झी मराठी वाहिनवरील ‘सारेगमप लिटिल चॅम्प्स’ या लोकप्रिय कार्यक्रमामधून आपल्या गोड आवाजाने श्रोत्यांना मंत्रमुग्ध करणारी लोकप्रिय जोडी म्हणजे मुग्धा वैशंपायन व प्रथमेश लघाटे. मुग्धा व प्रथमेश हे दोघेही सोशल मीडियावर चांगलेच सक्रिय असतात. सोशल मीडियावर ते त्यांचे फोटो व गाण्याचे व्हिडीओ शेअर करत चाहत्यांच्या संपर्कात राहत असतात. मुग्धा व प्रथमेश त्यांच्या लग्न सोहळ्यामुळे विशेष चर्चेत आलेले पाहायला मिळाले. दोघांच्या लग्नाची जोरदार चर्चाही रंगलेली पाहायला मिळाली. आपल्या गाण्याने चर्चेत राहणारी ही जोडी सोशल मीडियावरही तितकीच चर्चेत राहत असते. अशातच त्यांनी सोशल मीडियावर आणखी एक व्हिडीओ शेअर केला आहे.
मुग्धा-प्रथमेश यांना दत्तगुरुंचे वेड आहे. अनेकदा गावी गेल्यानंतर दोघे नित्यनियमाने गुरुवारचे भजन करतात. आरवलीमध्ये घरी दत्तगुरुंची ही भजनसेवा पार पडली जाते आणि या भजनसेवेमध्ये दोघेही अगदी तल्लीन होऊन भजनसेवा करतात. यावेळी प्रथमेश हा कधी तबलावादन करतो तर कधी टाळ वादनही करतो. तसेच अनेकदा तो भजन गातोदेखील. तर मुग्धाही गायनसेवा करत दत्तगुररुंच्या चरणी आपली सेवा अर्पण करते. याचे काही खास क्षण हे दोघे त्यांच्या सोशल मीडियाद्वारे शेअर करत असतात.
अशातच मुग्धाने तिच्या इन्स्टाग्राम स्टोरीद्वारे एक खास व्हिडीओ शेअर केला आहे. ‘गुरुवार भजन’ असं म्हणत मुग्धाने हा खास व्हिडीओ शेअर केला आहे. दत्तगुरुंचे भजन झाल्यानंतर घरातली मंडळी प्रार्थना करत आहेत. यावेळी प्रथमेशही माइक घेऊन प्रार्थना करत असल्याचे दिसत आहे. या व्हिडीओमध्ये प्रथमेशच्या घरी दत्तगुरुंची मोठी प्रतिमा दिसत आहे. या व्हिडीओमधून त्यांच्या घराची झलकई पाहायला मिळत आहे. तसेच घरच्या नित्य गुरुवार भजन सेवानिमित्त त्यांनी भजनात ठेका धरल्याचे पाहायला मिळत आहे.
दरम्यान, मुग्धा-प्रथमेश यांच्या गायनाचे अनेक चाहते आहेत. हे दोघेही देश-परदेशात त्यांच्या गाण्याचे कार्यक्रम करत असतात. तसेच सोशल मीडियाद्वारेहीते त्यांच्या गाण्याचे व्हिडीओ शेअर करत असतात. अशातच मुग्धाने शेअर केलेला व्हिडीओही चाहत्यांच्या विशेष पसंतीस उतरत आहे. या व्हिडीओला चाहतेमंडळी चांगलाच प्रतिसाद देत आहेत.