सध्या सर्वत्र चर्चा आहे ती म्हणजे अनंत-राधिकाच्या प्री वेडिंगची. बॉलीवूड, हॉलिवूड कलाकारांच्या आणि जगप्रसिद्ध खेळाडू, उद्योगपती यांच्या उपस्थितीने जाम नगर येथे हा सोहळा चांगलाच रंगला. या सोहळ्यातील कलाकारांचे लूक्स आणि परफॉर्मन्सनी चाहत्यांची मनं जिंकली. या कार्यक्रमातील सर्वात जास्त चर्चेत राहिलेली घटना म्हणजे बॉलीवूडमधील तीन खान यांनी एकत्र सादर केलेला डान्स परफॉर्मन्स.(Bollywood Celebrities at Anant Ambani Wedding)
पहिल्यांदाच शाह रुख खान, सलमान खान आणि आमिर खान यांनी एकत्र एकाच मंचावर येत डान्स केला. तिघांनीही आपल्या गाजलेल्या हुकस्टेपवर डान्स करत या सोहळ्यात रंगत आणली. १ मार्च ते ३ मार्च हा कार्यक्रम जामनगर येथे हा सोहळा पार पडला. या कार्यक्रमात कलाकारांच्या डान्ससह अनेक गायकांच्या सुंदर गाण्यांनी या सोहळ्याला चार चांद लावले.(salman khan shahrukh khan aamir khan)
जामनगर येथे पार पडलेल्या या सोहळ्यानंतर सगळी मंडळी घरी परतली परंतु हा सोहळा अजून संपलेला नाही याची माहिती आता समोर आली आहे. शाह रुख खान, आमिर खान, सलमान खान पुन्हा एकदा एकाच मंचावर झळकणार असल्याचं आता समजतंय. शाह रुख, सलमान, आमिर यांच्यासह अभिनेत्री जान्हवी कपूर यांच्यासह अन्य कलाकार देखील पुन्हा जामनगर येथे जमल्याचं पाहायला मिळतंय. प्री वेडिंग सोहळ्यानंतर अंबानी कुटुंबाकडून रिलायन्स कंपनीतील कर्मचाऱ्यांसाठी एक म्युझिकल शो अरेंज करण्यात आला. त्यासाठी हे सर्व कलाकार पुन्हा एकदा जाम नगर येथे जमले आहेत.(Bollywood Celebrities at Anant Ambani Wedding)
आणखी वाचा- नातेवाईकांच्या लग्नात नाचताना धर्मेंद्र यांना दुखापत, पायालाही मार, तिथे नेमकं काय घडलं?
शाह रुख, सलमान, आमिर यांच्या डान्स परफॉर्मन्सचा व्हिडीओ चांगलाच व्हायरल झाला. शाहरुख, सलमान व आमिर या तिघांनी पहिल्यांदाच एकत्र परफॉर्म करत इतिहासच रचला आहे, असं म्हणणं चुकीचं राहणार नाही. मीडिया रिपोर्ट्सनुसार, अनंत अंबानी व राधिका मर्चंटच्या प्री-वेडिंग सेलिब्रेशनमध्ये परफॉर्म करण्यासाठी या तिघांनी अंबानी कुटुंबाकडून एक रुपयाही घेतला नाही. शाहरुख, सलमान व आमिर खान यांनी एकत्र अंबानी कुटुंबाबरोबरच्या नातेसंबंधांसाठी मोफत परफॉर्म केले आहे. तर अमेरिकन पॉप सिंगर रिहानाने तिच्या परफॉर्मन्ससाठी ५४ कोटी रुपये फी घेतली.
