Bigg Boss Marathi 6 : ‘कलर्स मराठी’ वाहिनीवरील ‘बिग बॉस मराठी ६’ चांगलाच चर्चेत आहे. तर बिग बॉसच्या घरात नेहमीच कोणत्या ना कोणत्या कारणावरून भांडणं होत असतात. तर अशातच आता घरात पहिल्यांदाच रुचिताने मारामारी केल्याचं पाहायला मिळालं. बिग बॉसने स्पर्धकांना जोडीच्या बेडीत अडकवलं आहे. त्यातच आता घरातील सदस्यांवर नॉमिनेशन कार्य पार पडलं. आठ सदस्य नॉमिनेट झाले आहेत. त्यातच आता घरात कॅप्टन्सी कार्य पार पडणार आहे. घरात पापड लाटून कॅप्टन्सीची उमेदवारी मिळवायची आहे.
प्रोमोमध्ये पाहायला मिळालं की, घरात दोन ग्रुप करून बिग बॉसनी पापड लाटून कॅप्टन्सी मिळवण्याचं कार्य सोपवलं आहे. या टास्कदरम्यान विरोधी टीमचे पापड होऊ नयेत म्हणून दोन्ही ग्रुप्सने त्यांच्या पापडाचं पीठ काढून घेण्याचा प्रयत्न केला. या दरम्यान दोन्ही ग्रुपमध्ये प्रचंड खेचाखेची झाली. यादरम्यान करणने रुचिताच्या डोक्यावर पीठ ओतलं तर रुचिताने चिडून त्याला मारलं. यावरून करण भडकला. त्याचा राग अनावर झालयामुळे करण देखील रुचिताच्या अंगावर धावून गेल्याच प्रोमोमध्ये डिसिन येतंय. यादरम्यान घरातील इतर सदस्य त्यांना थांबवण्याचा प्रयत्न करत आहेत. तर रुचिता आणि करण दोघेही संतापलेले असून जोरजोरात एकमेकांशी भांडत आहेत. तर आता यांचा वाद कोणत्या टोकाला जाणार? आणि यामुळे कॅप्टन्सीचा टास्क रद्द होणार का? हे पाहणंरंजक ठरणार आहे.
