Apoorva Gore Wedding News : ‘स्टार प्रवाह’ वाहिनीवरील लोकप्रिय मालिका ‘आई कुठे काय करते’ मधून घराघरात पोहोचलेली अभिनेत्री अपूर्वा गोरे सध्या सोशल मीडियावर प्रचंड चर्चेत आली आहे. अभिनयासोबतच तिच्या वैयक्तिक आयुष्याबाबतही चाहते नेहमीच उत्सुक असतात. अशातच अपूर्वाने शेअर केलेल्या एका खास पोस्टमुळे तिच्या आयुष्यातील नवीन पर्व सुरू होणार असल्याची चर्चा रंगू लागली आहे. अपूर्वा गोरेने नुकताच तिच्या सोशल मीडिया अकाउंटवर फोटोस शेअर केले आहेत. या फोटोमध्ये ती एका मुलासोबत दिसत असून, चाहत्यांच्या मते हा तिचा होणारा नवरा असू शकतो. असं म्हटलं जात आहे.
या फोटोसोबत अपूर्वाने दिलेलं कॅप्शन अधिकच चर्चेचा विषय ठरत आहे. तिने कॅप्शनमध्ये, “चाफा आणि तो मला खूप आवडतात” असं लिहित #ठरलं हा हॅशटॅग वापरला आहे. याच कारणामुळे अनेकांनी अपूर्वाचं लग्न ठरल्याचा अंदाज व्यक्त केला आहे. शेअर केलेल्या या फोटोमध्ये अपूर्वा पारंपरिक लूकमध्ये दिसत आहे. तिने हिरव्या रंगाची सुंदर साडी परिधान केली आहे, गळ्यात नाजूक ठुशी घातली आहे. तिचा हा साधा-सुंदर आणि पारंपरिक लूक प्रेक्षकांच्या विशेष पसंतीस उतरला आहे. सोशल मीडियावर अनेकांनी तिच्या या लूकचं कौतुक केलं आहे.
मात्र या फोटोमध्ये अपूर्वाने तिच्या सोबत असलेल्या व्यक्तीचा चेहरा मुद्दामहून दाखवलेला नाही. त्यामुळेच तिचा होणारा नवरा नेमका कोण आहे?, हा प्रश्न सध्या चाहत्यांमध्ये चर्चेचा विषय ठरत आहे. अपूर्वाने याबाबत अद्याप कोणतीही अधिकृत घोषणा केलेली नसली, तरी तिची ही पोस्ट पाहून तिच्या चाहत्यांमध्ये प्रचंड उत्सुकता निर्माण झाली आहे. आता खरंच अपूर्वा गोरेचं लग्न ठरलं आहे का?, आणि तिच्या आयुष्यातील हा खास व्यक्ती नेमका कोण आहे?, याची उत्तरे ती स्वतः कधी देणार?, याकडे सगळ्यांचं लक्ष लागलं आहे.
आणखी वाचा – “मला तुझे शरीर पाहायचे आहे…”, साऊथ अभिनेत्रीने सांगितला वाईट अनुभव, फोटोग्राफरची अश्लील मागणी अन्…
