Bigg Boss Marathi 6 : ‘कलर्स मराठी’ वाहिनीवरील लोकप्रिय रिअॅलिटी शो ‘बिग बॉस मराठी ६’ सध्या चांगलाच चर्चेत आहे. घरात रोज काही ना काही कारणावरून वादविवाद पाहायला मिळत आहे. आता समोर आलेल्या नव्या प्रोमोमुळे पुन्हा एकदा वातावरण तापल्याचं दिसत आहे. टास्कदरम्यान झालेल्या गोंधळामुळे घरातील तणाव अधिक वाढला असून, रुचिता जामदार, राकेश बापट आणि दिपाली सय्यद यांच्याभोवती हा वाद फिरताना दिसतो. ‘कलर्स मराठी’ने नुकताच ‘बिग बॉस मराठी’ सिझन ६चा नवा प्रोमो शेअर केला आहे. त्यामध्ये रुचिता जामदार आणि दिपाली सय्यद यांच्यात जोरदार वाद झालं आहे.
समोर आलेल्या प्रोमोमध्ये दिपाली सय्यदने केलेल्या एका चुकीच्या विधानामुळे रुचिता प्रचंड दुखावलेली दिसते. त्यामुळे ती दिपालीशी बोलण्यासाठी तिच्याजवळ जाते. याचवेळी घरातील इतर सदस्यही तिथे जमलेले दिसतात. रुचिता सर्वांसमोर आरोप करते की, “दिपालीने घरात सगळ्यांना सांगितलं आहे की रुचिताने राकेश बापटला टच केलं आहे,” असं चुकीचं विधान तिच्या नावाने पसरवलं गेलं आहे. या आरोपावर दिपाली सय्यद पूर्णपणे शॉक होते आणि म्हणते, “रुचिता, मी तसं काहीही बोललेली नाही. मी नव्हतेच तिथे,” असं स्पष्टीकरण देते. मात्र वाद थांबण्याऐवजी अधिकच चिघळतो. यावर रुचिता, “अंगावर चढू नकोस,” असं दिपालीला सुनावते. त्यावर दिपालीही शांत न बसता, “जास्त बोलू नकोस, नाहीतर कानाखाली देईन,” असं म्हणते. (Bigg Boss Marathi 6)
दिपालीच्या या वक्तव्यानंतर रुचिता अधिक संतापते आणि “हा, मारून दाखव,” असं म्हणत आपला राग व्यक्त करते. या संपूर्ण वादामुळे घरातील वातावरण प्रचंड तणावपूर्ण झाल्याचं दिसत आहे. आता या वादाचं पुढे काय होणार? रुचिता आणि दिपाली सय्यद यांच्यात मारामारी होणार का? की हा वाद इथेच थांबणार? दिपालीने खरंच हात उचलला का?, हे पाहून मनोरंजक ठरणार आहे. ‘बिग बॉस मराठी’च्या घरात निर्माण झालेलं हे नवं वादळ पुढे कोणतं वळण घेणार, याकडे सगळ्यांचं लक्ष लागलं आहे. सध्या हा नवा प्रोमो सोशल मीडियावर मोठ्या प्रमाणात चर्चेचा विषय ठरत आहे. (Bigg Boss Marathi 6)
