Apurva Gore wedding : मालिका विश्वातील लोकप्रिय चेहरा अपूर्वा गोरे सध्या एका विशेष कारणामुळे चर्चेत आली आहे. ‘आई कुठे काय करते’ या मालिकेतील ईशा या भूमिकेमुळे अपूर्वाला विशेष लोकप्रियता मिळाली. मात्र, आता अपूर्वा एका वेगळ्याच कारणामुळे चर्चेत आलेली पाहायला मिळत आहे. ‘ठरलं’ असं म्हणत अपूर्वानं सोशल मीडियावर लग्नाची गुडन्यूज दिली होती. तेव्हापासून अपूर्वा चर्चेत आहे. तिचा होणार होणारा जोडीदार कोण आहे हे मात्र तिने गुलदस्त्यात ठेवलं होतं. आता मात्र अपूर्वाने तिच्या होणाऱ्या जोडीदाराबरोबरचा फोटो शेअर करत चाहत्यांना सुखद धक्का दिला आहे. ‘शाळा’ या मराठी चित्रपटातील मुख्य अभिनेता अंशुमन जोशीसह अपूर्वा लग्नबंधनात अडकणार आहे.
अपूर्वाने सोशल मीडियावर अंशुमन आणि दोघांच्या कुटुंबाबरोबरचे काही खास फोटो शेअर करत साऱ्यांचं लक्ष वेधलं आहे. या पोस्टमध्ये तिने असं म्हटलं आहे की, “आनंदघन येई घरा. Introducing you all गोरेंचा जावई- अंशुमन आणि जोश्यांची सून अपूर्वा. आम्हाला एकत्र ठेवणारी आणि निःस्वार्थ प्रेम करणारी कुटुंबे मिळाल्याबद्दल आम्ही धन्य आहोत. आम्ही तुम्हा सर्वांवर मनापासून प्रेम करतो”.
आता अपूर्वा आणि अंशुमन केव्हा लग्नबंधनात अडकणार याकडे साऱ्यांच्या नजरा लागून राहिल्या आहेत. अपूर्वाच्या या पोस्टवर अनेक कलाकार मंडळींनी तिला शुभेच्छा दिल्या आहेत आणि लाईक्सचा वर्षाव केला आहे. अपूर्वाने शेअर केलेल्या फोटोंमध्ये तिचे आई-वडील आणि सासू-सासरे अशी संपूर्ण फॅमिली पाहायला मिळत आहे. याशिवाय इतरही जवळचे कुटुंबीय त्यांच्या आनंदात सहभागी झाल्याचं पाहायला मिळत आहे.
आणखी वाचा – रुचिता-राकेशमुळे कॅप्टन्सी टास्क रद्द?, पूर्ण घराला शिक्षा; राकेश स्पष्टच म्हणाला, “घरात मी राहणार नाही…”
अंशुमनने ‘शाळा’ या गाजलेल्या चित्रपटात मुख्य भूमिका साकारली होती. आणि त्याची या चित्रपटातील भूमिकाही गाजली होती. ‘फास्टर फेणे’, ‘फुंतरू’, ‘म्हैस’ आणि ‘फोटोकॉपी’ या चित्रपटात त्यानं काम केलं आहे. अभिनेता, दिग्दर्शक, लेखक, चिंतक, चित्रलेखक, छायाचित्रकार, रसिक…. आणि बरंच काही…असं त्यानं त्याच्या इंस्टाग्राम प्रोफाइलवर लिहिलं आहे.
