Bigg Boss Marathi 6: हिंदी ‘बिग बॉसचा १९ चा ग्रँड फिनाले नुकताच पार पडला. हिंदी मालिकाविश्वातील लोकप्रिय अभिनेता गौरव खन्ना या पर्वाचा विजेता ठरला. तर आत हिंदी ‘बिग बॉस संपल्यानंतर प्रेक्षकांना मराठी ‘बिग बॉसची प्रचंड उत्सुकता लागली आहे. बिग बॉस मराठी ‘च्या पाचव्या सीझननंतर आता सहावा सीझन लवकरच प्रेक्षकांच्या भेटीला येणार आहे. त्यामुळे आता सहवा सीझन पाहण्यासाठी प्रेक्षकांची उत्सुकता शिगेला पोहोचली आहे. काही दिवसांपूर्वीच बिग बॉस मराठीच्या सहाव्या सीझनचा पहिला प्रोमो शेअर करण्यात आला होता. अशातच नुकताच कलर्स वाहिनीने बिग बॉसच्या सहाव्या सीजनाचा नवीन प्रोमो शेअर केला आहे.
कलर्स मराठीने शेअर केलेल्या या प्रोमोमध्ये सर्वांचा लाडका अभिनेता रितेश देशमुख बिग बॉस नव्य परवाच सूत्रसंचालन करण्यासाठी तयार होताना दिसत आहे. दारात रांगोळी, पताका उंचावल्या जात आहेत. ढोल ताशे सज्ज होत आहेत. एक नवा प्रोमो प्रेक्षकांच्या भेटीला येणार असल्याचं प्रोमोमध्ये पाहायला मिळत आहे. आला रे आला…!! आपला लाडका रितेश भाऊ आला… घेऊन एकदम लय भारी धमाका… असं कॅप्शन शेअर केलेल्या प्रोमोला दिलं आहे. याशिवाय यंदाच्या पर्वाची थीम देखील हटके असल्याचं समजत आहे. दरवाजांवर आधारित यानंदाच्या पर्वाची थीम असल्याचे बोलले जात आहे.
तर या प्रोमोवर चाहत्यांनी कमेंट्स करत प्रचंड उत्सुकता दर्शवली आहे. ‘बिग बॉस’ मराठीच्या पाचव्या सीजनने प्रेक्षकांचे तुफान मनोरंजन केले. या सीजनचा विजेता सूरज चव्हाण व इतर स्पर्धकही प्रेक्षकांचे लाडके ठरले. बिग बॉस १९ संपल्यानंतर मंचावर अभिनेता रितेश देशमुख गेल्याने प्रेक्षकांच्या भुवया उंचावल्या होत्या. सलमान खानने बिग बॉस मराठी सुरू होत असल्याची घोषणा करताच प्रेक्षकांची उत्सुकता ताणली आहे.
