Lakshmichya Pavalani fame Sanika Banaraswale : मराठी सिनेसृष्टीतील एका मराठमोळ्या जोडीच्या लग्नाची बरीच चर्चा रंगलेली पाहायला मिळाली. ही कलाकार जोडी म्हणजे अभिनेता सोहम बांदेकर व अभिनेत्री पूजा बिरारी. सोहम व पूजाच्या लग्नात त्यांच्यासह अनेक मराठी कलाकार मंडळींनी जबरदस्त धमाल-मस्ती केलेली पाहायला मिळाली. संबंध मराठी सिनेसृष्टीच पूजा व सोहमच्या लग्नाला होती असं म्हणणं चुकीचं ठरणार नाही. अनेकांनी पूजा व सोहमच्या लग्नानिमित्त खास पोस्ट शेअर करत त्यांना शुभेच्छा दिलेल्या पाहायला मिळाल्या. अशातच आता एका मराठी अभिनेत्रीने पूजा व सोहमच्या लग्नानंतर खास व्हिडीओद्वारे त्यांच्या लग्नातील धमाल सांगितली आहे.
लक्ष्मीच्या पाउलांनी फेम अभिनेत्री सानिका बनारसवाले हिने सोहम-पूजाच्या लग्नात बरीच धमाल केली. यावेळच्या धमाल-मस्तीबाबत सांगतानाचा व्हिडीओ सानिकाने आता सोशल मीडियावर शेअर केला आहे. यापूर्वीही सानिका पूजा-सोहमच्या लग्नाचे अपडेट सोशल मीडियावर देत होती. आता तिने थेट व्हिडीओ शेअर करत असं म्हटलं की, “आमच्या स्पेशल मॅगी टॉक्समध्ये मला कळलेली सोहमबद्दलची गोष्ट, तिथून ते पूजाच्या लग्नाची तयारी, संगीतची प्रॅक्टिस आणि खरोखरचं संगीत पार पडल्यानंतर आम्ही खूप दंगा केला होता. या सगळ्या खूप चांगल्या आठवणी आहेत”.
आणखी वाचा – कलाच्या EXIT नंतर मालिका संपली, ईशा केसकरची पहिली पोस्ट; म्हणाली, “अचानक निरोप घेतल्याबद्दल…”
A post shared by Sanika M Banaraswale (@sanikabanaraswaleofficial)
पुढे ती म्हणाली, “अखेर पुजाला सोहमबरोबर इतकं आनंदी पाहताना आनंदाश्रू तर आलेच होते. पूजाचं छान विधीवत लग्न पार पडलं. किती निरागसपणा होता. आमची गोंडस पूजा सौभाग्यवती झाली. एकेक असे सगळे विधी पार पडले आणि त्यानंतर पूजाने सुंदर उखाणा घेतला. या नवदांपत्यासाठी खूप आनंदी आहे”.
आणखी वाचा – मालिकाविश्वातील आणखी एक चेहरा अडकला लग्नबंधनात, झाला डोंबिवलीचा जावई, फोटो समोर
सानिका असेही म्हणाली, “एवढ्या महिन्यांपासून सुरु असलेली तयारी, पळापळ आज इथे थांबली. सगळी मजा झाल्यानंतर आम्ही पूजाची पाठवणी करुनच घरी परतलो”, असे म्हणत पूजाच्या लग्नातील गमतीजमती सांगितल्या आहेत. सानिकाने शेअर केलेल्या व्हिडीओमध्ये पूजा-सोहमच्या लग्नातील काही अनसीन सीन पाहायला मिळत आहेत.
