सोनी मराठी वाहिनीवरील ‘महाराष्ट्राची हास्यजत्रा’ कार्यक्रमाने रसिक प्रेक्षकांना अक्षरशः वेड लावलं आहे. या कार्यक्रमाची क्रेझ फक्त महाराष्ट्रातच नव्हे, तर जगभरातही आहे. या कार्यक्रमातील कलाकारांची आज एक वेगळीच फॅन फॉलोविंग आहे. या कार्यक्रमाने दोन महिन्यांसाठी छोट्या पडद्यावर ब्रेक घेतला होता. दरम्यान ‘महाराष्ट्राची हास्यजत्रा’चे कलाकार अमेरिका दौऱ्यावर होते. परदेशात त्यांनी विविध शहरांमध्ये शो केले. आता परदेशातून ही कलाकार मंडळी भारतात परतली आहेत. (Maharashtrachi Hasyajatra)
‘महाराष्ट्राची हास्यजत्रा’ कार्यक्रम दोन महिन्यांच्या ब्रेकनंतर पुन्हा प्रसारित होणार आहे. या कार्यक्रमाची प्रेक्षक उत्सुकतेने वाट पाहत आहेत. कार्यक्रमातील कलाकार परदेशात असताना त्यांना त्यांच्या कुटुंबियांची खूप आठवण येत होती. याचदरम्यानचे काही किस्से आता समोर आले आहेत. वनिता व तिचा पती सुमितचा एक किस्सा अभिनेत्री रसिका वेंगुर्लेकरने सांगितला.
हे देखील वाचा – पृथ्वीक प्रतापचं मोठं मन, अमेरिकेत शो करत असताना दत्तू मोरेसाठी केली मोठी गोष्ट, प्रियदर्शिनी म्हणते, “पहिल्या दोन शोनंतर…”
‘महाराष्ट्राची हास्यजत्रा’च्या टीमने ‘इट्स मज्जा’शी संवाद साधला. यावेळी कार्यक्रमातील कलाकारांनी परदेशातील किस्से सांगितले. यावेळी रसिका म्हणाली, “ज्यादिवशी वनिताचा वाढदिवस होता, त्यादिवशी तिचा नवरा भारतात होता. तेव्हा त्याने माझ्या नवऱ्याला फोन करत तू ‘माझ्याबरोबर सिद्धिविनायक मंदिरात येतोस का?’ अशी विचारणा केली”.
हे देखील वाचा – समीर चौघुलेंनी औक्षण केलं, सचिन गोस्वामींच्या पाया पडली अन्…; प्राजक्ता माळीच्या पोस्टने वेधलं लक्ष, डान्स, गाणी आणि बरंच काही
“तेव्हा त्याने होकार दिला आणि ते दोघं एकत्र मंदिरात दर्शनासाठी गेले. हे सगळं होत असताना मी लंडनला होते आणि नुकताच माझा वाढदिवस झाला होता. आम्हाला त्यावेळेस इतकं भरून आलं, की आमचे नवरे तिकडे मंदिरात देवदर्शनासाठी चालले आहेत”. यावेळी रसिका व वनिताच्या पतीचं त्यांच्या पत्नीवर असणारं प्रेम दिसून आलं. (Vanita Kharat Sumit Londhe)