हिंदी सिनेसृष्टीतील प्रिन्स नरुला व युविका चौधरी ही जोडी लोकप्रिय जोडींपैकी एक आहे. सोशल मीडियावर ही जोडी बऱ्यापैकी सक्रिय असते. दोघेही एकत्र रील व फोटो शेअर करत एकमेकांवर प्रेमाचा वर्षाव करताना दिसतात. दोघांच्या लग्नाला ६ वर्षे झाली असून आजपर्यंत त्यांना मूलबाळ नाही. मात्र, दोघेही आई-बाबा होणार असल्याचा बातम्या वारंवार येत असतात. अशातच तिचा पती प्रिन्स नरुला याने केलेल्या वक्तव्यामुळे पुन्हा एकदा युविकाच्या गरोदरपणाची बातमी वाऱ्यासारखी पसरली आहे. (Prince Narula Yuvika Chaudhary Expectiong Baby)
प्रिन्स नरुला याने भारती सिंग व हर्ष लिंबाचिया यांच्या पॉडकास्टमध्ये एक या गोष्टीला दुजोरा देत इशारा दिला. दोघांनी प्रिन्स नरुला यांना अनेक प्रश्न विचारले. यादरम्यान भारतीने प्रिन्सला त्याच्या बाळाच्या योजनांबद्दल विचारले. भारती म्हणाली, “तुझा गोला कधी येणार आहे?”, त्याला उत्तर देताना प्रिन्स म्हणाला, “लवकरच”.
प्रिन्सच्या या उत्तराने प्रिन्स व युविका चौधरी आई-वडील होणार असल्याच्या बातम्या येऊ लागल्या आहेत. यावेळी त्याने पुढे स्पष्ट केले की, तो आतापर्यंत बाळाचे नियोजन का करत नव्हता. प्रिन्स म्हणाला, “मुंबईत घर आणि काम असताना आम्हाला बाळ हवं होतं. जेणेकरून मी इकडे तिकडे पळू नये”. त्यांच्या या वक्तव्यानंतर तो वडील झाला असल्याच्या बातम्या पसरू लागल्या आहेत.
याआधी युविकाने मुलाखतीत सांगितले होते की, ती आणि तिचा पती प्रिन्स नरुला लग्नापासूनच मूल होण्याचा विचार करत आहेत, पण ते देवाच्या हातात आहे. युविका आणि प्रिन्स आता सात वर्षांपासून एकत्र आहेत आणि त्यांनी अनेकदा गर्भधारणेच्या अफवांचे खंडन केले आहे. युविका आणि प्रिन्सचे २०१६ मध्ये लग्न झाले आणि तेव्हापासून ते एकत्र आहेत. त्यांची पहिली भेट ‘बिग बॉस ९’ मध्ये झाली होती. युविकाला भेटल्यानंतर काही दिवसांनीच प्रिन्सने तिला प्रपोज केले.