स्टार प्रवाह वाहिनीवरील ‘प्रेमाची गोष्ट’ या लोकप्रिय मालिकेमधून सावनी या भूमिकेद्वारे प्रेक्षकांच्या भेटीला येणारी अभिनेत्री म्हणजे अपूर्वा नेमळेकर. अपूर्वाने ‘रात्रीस खेळ चाले’सारखी मालिका किंवा ‘बिग बॉस मराठी ४’ मध्ये खेळलेल्या विविध टास्कद्वारे स्वतःचं वैशिष्ट्य दाखवून दिलं आहे. अपूर्वानं मालिकांमध्ये काम करत तिनं प्रेक्षकांच्या मनात आपलं एक विशेष स्थान निर्माण केलं आहे. सध्या ती ‘प्रेमाची गोष्ट’ मालिकेतून प्रेक्षकांचे मनोरंजन करत आहे. (Apurva Nemlekar On Instagram)
अपूर्वा नेमळेकर ही सोशल मीडियावर चांगलीच सक्रिय असते. सोशल मीडियावर ती तिचे अनेक फोटो व व्हिडीओ शेअर करत असते. तिच्या फोटो व व्हिडीओला चाहत्यांकडूनदेखील पसंती मिळते. अशातच अभिनेत्रीने केलेल्या काही खास फोटोंनी चाहत्यांचे लक्ष वेधून घेतले आहे. अपूर्वाने तिच्या सोशल मीडियावर जिममधले काही खास फोटो शेअर केले आहेत. “मी फिनिक्स पक्षासारखी पुन्हा शून्यातून उठून पुन्हा उभारी घेतली आहे. याला माझा पुढचा भाग म्हणू शकता. कारण आता मी कधीही थांबणार नाही.” असं कॅप्शन देत तिने हे फोटो शेअर केले आहेत.
आणखी वाचा – Video : “ठाण्याचे असतील तलाव फेमस पण नाशिकची नदी…”, चेतन वडनेरेचा बायकोसाठी खास उखाणा, मंडपातील व्हिडीओ समोर
अपूर्वाने शेअर केलेल्या या फोटोंमध्ये तिचे वजन कमी झाल्याचे दिसून येत आहे आणि यासाठी तिने घेतलेली मेहनत या फोटोंमधून पाहायला मिळत आहे. अपूर्वाने याआधी ‘रात्रीस खेळ चाले’ या मालिकेत शेवंता ही भूमिका केली होती. यात तिचे वजन अधिक होते. मात्र अपूर्वाने नुकत्याच शेअर केलेल्या या फोटोंमध्ये तिने आपले वकाजन बऱ्यापैकी कमी केल्याचे दिसून येत आहे.
दरम्यान, अपूर्वाने शेअर केलेल्या या फोटोंना चाहत्यांनी लाईक्स व कमेंट्सद्वारे चांगलाच प्रतिसाद दिला आहे. तसेच तिच्या या खास बदललेल्या लूकचे मेघना एरंडे, तेजस्विनी लोणारी या कलाकारांसह अनेक चाहत्यांनीही कौतुक केले आहे. “शेवंताबाईची शेवंताताई झाली, मस्तच, खूपच छान दिसत आहेस, तू नेहमीसारखीच सुंदर दिसत आहेस, वजन कमी करायचं खूपच मनावर घेतलं आहेस” अशा अनेक कमेंट्स करत तिच्या बदललेल्या लूकचे कौतुक केले आहे.
