अभिनेता प्रथमेश परबने आजवर त्याच्या अभिनयाने प्रेक्षकांच्या मनात घर केलं आहे. विनोदी अभिनय शैलीने प्रथमेशने नेहमीच प्रेक्षकांची मन जिंकली. अनेक चित्रपटांमधून प्रथमेश नेहमीच प्रेक्षकांच्या भेटीस येत असतो. काही दिवसांपूर्वी प्रथमेश त्याच्या वैयक्तिक कारणामुळे चर्चेत आलेला पाहायला मिळाला. प्रथमेशच्या शाही विवाहसोहळ्याची विशेष चर्चा रंगलेली पाहायला मिळाली. प्रथमेशने त्याची गर्लफ्रेंड क्षितिजा घोसाळकरसह लग्न केले. २४ फेब्रुवारी रोजी प्रथमेश व क्षितिजा यांचा शाही विवाहसोहळा संपन्न झाला. (Prathamesh Parab And kshitija Ghosalkar)
अगदी थाटामाटात व पारंपरिक अंदाजात दोघांनी लग्नगाठ बांधलेली पाहायला मिळाली. प्रथमेश व क्षितिजा यांच्या लग्नाचे अनेक फोटो, व्हिडीओ सोशल मीडियावर तुफान व्हायरल झालेले पाहायला मिळाले. सोशल मीडियावर ही प्रथमेश व क्षितिजा बऱ्यापैकी सक्रिय असतात. नेहमीच ते काही ना काही शेअर करत चाहत्यांच्या संपर्कात राहत असतात. अशातच काही दिवसांपूर्वी क्षितिजासाठी तिच्या सासूने बनवलेल्या पाणीपुरी बेतचा खास फोटो पोस्ट केला होता. यावेळी तिने सासूच भरभरुन कौतुक केलेलं पाहायला मिळालं.
यानंतर आता प्रथमेशने त्याच्या बायकोबरोबरचा एक व्हिडीओ शेअर केला आहे. यामध्ये प्रथमेशची बायको क्षितिजा त्याचे लाड पुरवताना दिसत आहे. कामाच्या व्यस्त शेड्युलमधून वेळात वेळ काढत दोघेही एकमेकांना वेळ देताना दिसतात. प्रथमेशची बायको त्याच्या डोक्याला मालिश करतानाचा हा व्हिडीओ समोर आला आहे. लग्नानंतरचं सुख असं कॅप्शन देत त्यांने हा व्हिडीओ शेअर केला आहे. आणि या पोस्टला “सुख म्हणजे नक्की हे असतं”, असं कॅप्शन त्याने दिलं आहे.
क्षितिजा लग्नानंतर परबांच्या घरी रमलेली पाहायला मिळाली. सासरच्या घरातील अनेक व्हिडीओ, फोटो ती वेळोवेळी शेअर करताना दिसते. क्षितिजानं त्यांच्या साखरपुड्याला दोन महिने पूर्ण होताच एक खास स्टोरी पोस्ट केली होती यामध्ये तिने लिहिलं होतं की, ” “डेट अँड डिनर. साखरपुडानंतरचा दुसरा महिना. १४ एप्रिल. एका घरात राहून सुद्धा जेव्हा शूट, नाईट शिफ्ट व ऑफिस यामुळे कित्येक दिवस एकमेकांना भेटता येत नाही आणि तरीही वेळ काढून तुमचे स्पेशल डे तुम्ही आवर्जून साजरे करता”, असं म्हटलं. यावरुन दोघेही कामाच्या व्यस्त श्येड्युलमधून वेळात वेळ काढत एकमेकांना वेळ देताना दिसत आहेत.
