मराठी मनोरंजन विश्वातील काही आघाडीच्या अभिनेत्रींपैकी एक अभिनेत्री म्हणून प्राजक्ता माळीला ओळखले जाते. छोट्या पडद्यावरील ‘जुळून येती रेशीमगाठी’ मालिकेद्वारे तिने जोडलेली रेशीमगाठ अजूनही कायम आहे. प्राजक्ताने मराठी मालिका, चित्रपट यांसह अनेक कार्यक्रमांद्वारे सूत्रसंचालन करत प्रेक्षकांचे मनोरंजन केले आहे. आपल्या अभिनय व उत्तम सूत्रसंचालनाद्वारे चर्चेत असणारी अहिनेत्री तिच्या सोशल मीडियाद्वारे ही तितकीच चर्चेत असते.
सोशल मीडियावर ती तिचे अनेक फोटो व व्हिडीओ शेअर करत चाहत्यांच्या संपर्कात राहते. सोशल मीडियावरील तिच्या अनेक स्टायलिश फोटो व व्हिडीओला चाहत्यांकडूनही चांगलाच प्रतिसाद मिळतो. अशातच प्राजक्ताने आजच्या ‘फादर्स डे’निमित्त खास व्हिडीओ शेअर केला आहे. प्राजक्ताने तिच्या इन्स्टाग्राम अकाऊंटद्वारे एक व्हिडीओ वडिलांचा व्हिडीओ शेअर केला असून या व्हिडीओमध्ये अभिनेत्रीच्या वडिलांची तब्येत खालावलेली पाहायला मिळत आहे.
प्राजक्ताने त्यांचा एक व्हिडीओ शेअर करत असं म्हटलं आहे की, “माझे वडील त्यांच्या गेल्या वर्षीच्या वाढदिवशी खूप अस्वस्थ होते, त्यांना चालताही येत नव्हते; तरीही ते मोठ्याने ‘मैं हुँ डॉन’ हे गणं गात होते. मला जगातले सगळ्यात गोड, गोंडस वडील मिळाले आहेत. गेल्या १० वर्षांहून अधिक काळ मी मुंबईत राहत आहे आणि ते अजूनही मला दिवसातून किमान दोनदा फोन करतात आणि फक्त ‘जेवलीस का?’ विचारतात”.
यापुढे तिने “मी स्वत:ला याबद्दल भाग्यवान समजते आणि ज्यांच्याकडे वडील आहेत ते सुद्धा. आमचे पालक आमचे देवदूत आहेत; परम विवेकाने पाठवलेले.” असं म्हणत “सर्वांना ‘फादर्स डे’च्या शुभेच्छा” असंही म्हटलं आहे.
आणखी वाचा – शिवयोगामुळे सोमवारचा दिवस फायद्याचा, सिंह, तूळ व कुंभ राशीच्या लोकांना मिळणार खुशखबर, जाणून घ्या…
दरम्यान, प्राजक्ताने शेअर केलेल्या या व्हिडीओमध्ये प्राजक्ताचे सर्व कुटुंबीय ‘मैं हुँ डॉन’ गाण्यावर नाचत आहेत. त्याचबरोबर प्राजक्ताच्या वडिलांच्या वाढदिवसानिमित्त एन्जॉयही करत आहेत. हा व्हिडीओ सध्या सोशल मीडियावर व्हायरल होत असून या व्हिडीओला चाहत्यांनी लाईक्स व कमेंट्सद्वारे चांगलाच प्रतिसाद दिला आहे. त्याचबरोबर अनेकांनी अभिनेत्रीला ‘फादर्स डे’निमित्त शुभेच्छाही दिल्या आहेत.
