Lalit Prabhakar As Ajmal Kasab : मॅडडॉकने नुकतीच ‘ईठा’ या चित्रपटाची घोषणा केली. या चित्रपटाच्या टिझरने साऱ्यांच्या मनात घर केलं. मात्र यापाठोपाठ आता त्यांनी आणखी एका चित्रपटाचा टिझर प्रदर्शित केला. ज्याने साऱ्यांचं लक्ष वेधलं. येत्या ७ ऑगस्टला ‘प्रहार-द उज्ज्वल निकम स्टोरी’ या नव्या चित्रपटाची घोषणा केली. आणि साऱ्यांच्या भुवया उंचावल्या. चित्रपटाचं पोस्टर आणि कलाकारांच्या लूकची सध्या सोशल मीडियावर सर्वात जास्त चर्चा सुरु आहे. प्रहार हा सिनेमा ज्येष्ठ विधिज्ञ उज्ज्वल निकमच्या जीवनावर आधारित आहे. २६/११ च्या दहशतवादी हल्ल्यात एकमेव पकडला जाणारा दहशतवादी अजमल कसाबला फाशीची शिक्षा मिळावी यासाठी धडपड करणाऱ्या ज्येष्ठ विधीज्ञ आणि सरकारी वकील उज्ज्वल निकम यांच्या जीवनपटावर हा चित्रपट असणार आहे.
चित्रपटाचा टिझर मराठी प्रेक्षकांना सुखद धक्का देणारा ठरला. कारण मराठमोळा अभिनेता, मराठी कलाविश्वाचा चॉकलेट बॉय ललित प्रभाकर या चित्रपटात महत्त्वपूर्ण भूमिकेत आहे. ललित प्रभाकर या चित्रपटात अजमल कसाबच्या भूमिकेत दिसणार आहे. मराठी प्रेक्षकांनी ललितला आजवर रोमँटिक भूमिकांमध्ये पाहिलं आहे. ललितच्या आजवरच्या सगळ्या भूमिका या सौम्य आणि सकारात्मक ऊर्जा देणाऱ्या होत्या. अशातच ललितची ही अग्रेसिव्ह भूमिका साऱ्यांना थक्क करणारी आहे.
आणखी वाचा – व्हीलचेअरवरून स्टेजवर पोहोचली, गंभीर आजार आणि…; सुप्रसिद्ध गायिकेला पाहताच कलाविश्वात खळबळ
समोर आलेल्या टिझरमध्ये अजमल कसाबच्या भूमिकेत ललित अगदी हुबेहूब दिसत आहे. त्यामुळे कलाकारांसह, चाहतेमंडळीही यावर कमेंट करत आहेत. “ललितचा लूक पाहून शॉक बसला”, “ललितला मानलं पाहिजे”, “मराठीचा चॉकलेट बॉय आता अजमल कसाबच्या भूमिकेत?”, अशा अनेक कमेंट आल्या आहेत. चित्रपटात उज्ज्वल निकम ही भूमिका अभिनेता राजकुमार राव साकारत आहे.
