Hardik Pandya and Mahieka Sharma get married : मॉडेल आणि अभिनेत्री महिका शर्मा भारतीय क्रिकेट संघाचा अष्टपैलू खेळाडू हार्दिक पांड्याला डेट करत आहे. या जोडप्याच्या समोर आलेल्या एका छायाचित्राने सोशल मीडियावर खळबळ उडवून दिली असून माहिका आणि हार्दिकने गुपचूप लग्न केल्याची अटकळ बांधली जात आहे. व्हायरल होत असलेल्या फोटोमध्ये माहिका शर्मा सिंदूर आणि कपाळावर लाल सिंदूर लावलेली दिसत आहे. हार्दिकच्या कपाळावरही खूण आहे. फोटोमध्ये दोघेही माहिकाच्या आईसोबत पोज देताना दिसत आहेत. या फोटोनंतर दोघांनी एका खासगी समारंभात लग्न केल्याची चर्चा आहे. मात्र, हार्दिक किंवा माहिका शर्मा या दोघांनीही लग्नाच्या वृत्ताला दुजोरा दिलेला नाही.
हार्दिक पांड्याचे पहिले लग्न नताशा स्टॅनकोविचसोबत झाले होते. या जोडप्याला अगस्त्य नावाचा एक मुलगा देखील आहे, परंतु 2024 मध्ये दोघांचा घटस्फोट झाला. यानंतर हार्दिकचे नाव जास्मिन वालियाशी जोडले गेले परंतु त्यांचे ब्रेकअप झाले आणि त्यानंतर अभिनेत्री आणि फिटनेस मॉडेल माहिका शर्माने क्रिकेटर हार्दिक पंड्याच्या आयुष्यात प्रवेश केला. दोघेही अनेकदा एकत्र स्पॉट झाले आहेत. महिकाही अनेकवेळा क्रिकेटच्या मैदानात हार्दिकला चिअर करताना दिसली आहे. हा फोटो व्हायरल झाल्यानंतर सोशल मीडियावर एकच खळबळ उडाली असून अनेक यूजर्स आश्चर्य व्यक्त करत आहेत.
आणखी वाचा – “चॉकलेट बॉय आता अजमल कसाबच्या भूमिकेत”, मराठी अभिनेत्याचा लूक पाहून सगळेच थक्क, तर उज्ज्वल निकम…
कोण आहे माहिका शर्मा?
२४ वर्षीय माहिका शर्मा एक अभिनेत्री आणि मॉडेल आहे. महिका शर्माने भारतीय फॅशन आणि मनोरंजन क्षेत्रात आपला ठसा उमटवला आहे. कॉलेजमध्ये इकॉनॉमिक्स आणि फायनान्सचा अभ्यास करण्यासोबतच तिने मॉडेलिंग आणि अभिनयातही करिअर केले. ती अभ्यासात खूप हुशार होती आणि तिने दहावीच्या बोर्ड परीक्षेत पूर्ण 10 सीजीपीए मिळवले होते. नंतर, तिने तिचे लक्ष मॉडेलिंगकडे वळवले, जिथे तिला कमी वेळात प्रसिद्धी मिळाली.
आणखी वाचा – फुलांच्या पायघड्या, औक्षण अन्…; अनुष्का सरकटेचं सासरी जंगी स्वागत, गोंधळातही जोड्याने थिरकले…
फॅशनच्या दुनियेत तिने अनेक मोठ्या नावांसोबत काम केले आहे. तिने मनीष मल्होत्रा, अनिता डोंगरे, तरुण ताहिलियानी आणि अमित अग्रवाल यांसारख्या प्रसिद्ध डिझायनर्ससाठी रॅम्प वॉक केला आहे. तिच्या वाढत्या यशाची ओळख 2024 मध्ये झाली, जेव्हा तिला इंडियन फॅशन अवॉर्ड्समध्ये ‘मॉडेल ऑफ द इयर’ पुरस्कार मिळाला.तिने म्युझिक व्हिडीओ, शॉर्ट फिल्म्स आणि फोटो प्रोजेक्ट्समध्येही काम केले आहे.
