Bigg Boss Marathi 6 : ‘बिग बॉस’च्या घरात बरेच वाद होत असल्याचे पाहायला मिळते. दरम्यान ज्या सदस्यांकडे पॉवर की असते त्यांना घरात बऱ्याच सवलती मिळतात. आणि सदस्यांचा मात्र एकमेकांच्या पॉवर की वर डोळा असतो. यंदाच्या सीझनमध्ये घरात गेमऐवजी चोऱ्याच जास्त होत असल्याचे दिसून येते. काही दिवसांपूर्वी प्राजक्ता शुक्रेने तिची पॉवर की गायब असल्याची तक्रार केली होती. अशातच नुकत्याच समोर आलेल्या प्रोमोमध्ये तो चोर कोण आहे? याचा खुलासा होणार आहे.
‘बिग बॉस मराठी’च्या घरात प्राजक्ता शुक्रे हीचा नेहमी शांत स्वभाव प्रेक्षकांना बघायला मिळाला. पण नुकत्याच समोर आलेल्या प्रोमोमध्ये प्राजक्ता खूपच संतापलेली दिसत आहे. प्रोमोमध्ये प्राजक्ताची पावर की प्रभूने चोरली आहे आणि यावरून प्राजक्ता खूपच संतापली आहे. प्रभूवर ओरडत प्राजक्ता म्हणते, “तू चोर आहेस” तर पुढे ज्या सदस्याकडे पॉवर की असणार, त्याला पॉवर कीची सगळी पॉवर मिळणार असं बिग बॉसने जाहीर केले. त्यानंतर प्राजक्ताची चिंता आणखीच वाढली. (Bigg Boss Marathi 6)
प्रभूकडे पॉवर की असल्याचे उघड झाल्यानंतर प्राजक्ताने अतिशय कमजोर, चोर असल्याचे त्याला म्हटलं. यानंतर यावरून रोशन आणि प्रभुमध्ये देखील वाद झाले. त्यावर प्रभूनं “हो, मी चोरली काय करणार?” असा सवाल केला. पुढे प्रभू आणि रोशनमध्ये झाल्यानंतर रोशन अचानकपणे प्रभूच्या अंगावर धावून गेला. त्याच वेळी राखीनं रोशनला अडवलं. आता बिग बॉसच्या घरात या पॉवर कीमुळे गेम फिरणार की बिग बॉस स्वत: ट्विस्ट आणणार हे पाहणं रंजक ठरणार आहे. (Bigg Boss Marathi 6)
