Krip Kapur Suri Divorce : मनोरंजनविश्वात सेलिब्रिटी नातेसंबंधांबाबत सातत्याने चर्चेत असताना दिसतात. काही दिवसांपूर्वी माही वीज आणि जय भानुशाली यांनी परस्पर संमतीने विभक्त होत असल्याची माहिती सोशल मीडियाच्या माध्यमातून दिली होती. विभक्त झाल्यानंतरही एकमेकांना पाठिंबा देत मैत्री जपणार असल्याचं त्यांनी स्पष्ट केलं होतं. या पार्श्वभूमीवर आता आणखी एका लोकप्रिय टेलिव्हिजन जोडप्याच्या घटस्फोटाची बातमी समोर आली आहे.
टेलिव्हिजनविश्वातील अभिनेता कृप कपूर सूरी आणि त्याची पत्नी सिमरन कौर यांनी लग्नाच्या ११ वर्षांनंतर वेगळं होण्याचा निर्णय घेतल्याचं समोर आलं आहे. काही दिवसांपासून या जोडप्याच्या नात्यात तणाव असल्याच्या चर्चा रंगत होत्या. अखेर या चर्चांना दुजोरा देत कृप कपूर सूरीने ‘टेली टॉक इंडिया’शी संवाद साधताना सिमरनसह वेगळे झाल्याचं मान्य केलं.
याआधी सिमरन कौरने सोशल मीडियावर शेअर केलेल्या एका पोस्टमुळे त्यांच्या नात्याबाबत तर्कवितर्कांना उधाण आलं होतं. विशेष म्हणजे २०२४ मध्ये घटस्फोटाच्या चर्चांवर दोघांनीही खुलासा करत त्या अफवा असल्याचं सांगितलं होतं. मात्र आता प्रत्यक्षात विभक्त झाल्याचं स्पष्ट झालं असलं, तरी या निर्णयामागचं कारण कृप कपूर सूरीने सांगणं टाळलं आहे. कृप कपूर सूरी आणि सिमरन कौर यांनी २०१४ मध्ये लग्नगाठ बांधली होती. १९ जानेवारी २०२० रोजी त्यांच्या मुलीचा जन्म झाला. आता लग्नाच्या ११ वर्षांनंतर हे जोडपं वेगळ्या वाटा निवडताना दिसत आहे.
आणखी वाचा – आशिष विद्यार्थी आणि पत्नीचा रस्ता अपघात, आता दोघांची तब्येत कशी?, अभिनेते स्वतःच म्हणाले, “थोडी दुखापत…”
