Pooja Sawant Siddhesh Chavan Wedding : सिनेसृष्टीत लगीनघाई सुरु असताना प्रेक्षकांची लाडकी अभिनेत्री पूजा सावंत लग्नबंधनात अडकली आहे. पूजाने तिचा बॉयफ्रेंड सिद्धेश चव्हाणसह लगीनगाठ बांधली आहे. अगदी शाही थाटामाटात त्यांचा विवाहसोहळा संपन्न झाला आहे. पूजा व सिद्धेशच्या शाही विवाहसोहळ्याचे अनेक फोटो समोर आले आहेत. काही दिवसांपूर्वी अभिनेत्रीच्या घरी लगीनघाई सुरु असलेली पाहायला मिळाली होती. पूजाच्या साखरपुड्याचे, हळदी, मेहंदी, संगीत समारंभाचेही अनेक फोटो, व्हिडीओ समोर आले. यानंतर आता अभिनेत्रीने तिच्या लग्नातील खास फोटो शेअर केले आहेत.
पूजाने तिच्या इंस्टाग्राम अकाऊंटवरुन त्यांचा वरमाला घालतानाचा लूक शेअर केला आहे. अगदी पारंपरिक अंदाजात पूजाचं लग्न झालं असल्याचं समोर आलं आहे. यांत नववधूवराचा खास पारंपरिक अंदाज साऱ्या रसिक प्रेक्षकांच्या पसंतीस पडत आहे. गेले काही दिवस अभिनेत्रीच्या घरी लग्नाची धामधूम चालू होती. नुकताच पूजाचा संगीत व हळदी समारंभ पार पडला. याचे काही फोटो व व्हिडीओ सोशल मीडियावर व्हायरल झाले. यानंतर आता पूजा सावंत व सिद्धेश चव्हाणच्या लग्नातील मराठमोळा लूक समोर आला आहे.
पूजाने तिच्या लग्नासाठी पिवळ्या रंगाची नऊवारी साडी नेसलेली पाहायला मिळत आहे. शिवाय अभिनेत्रीने या नऊवारी साडीवर घातलेल्या पारंपरिक दागिन्यांनी, हातातील हिरव्या चुड्याने व नाकातील नथीने तिचं सौंदर्य आणखीनंच खुलून आलेलं पाहायला मिळालं. तर सिद्धार्थने लग्नासाठी खास पांढऱ्या रंगाची शेरवानी व त्यावर डिझाइनर पांढऱ्या रंगाची शाल परिधान केली होती. पूजा व सिद्धेशचा हा राजेशाही लूक साऱ्यांच्या पसंतीस पडलेला पाहायला मिळत आहे.
पूजाचा रिसेप्शन लूकही विशेष चर्चेत राहिला. पूजा व सिद्धेशच्या रिसेप्शन लूकचेही अनेक फोटो सोशल मीडियावर धुमाकूळ घालत आहेत. पूजा-सिद्धेशने लग्नाच्या रिसेप्शन सोहळ्यासाठी लाल रंगाची साडी व त्यावर साजेसा असा साजशृंगार केला होता. तसेच हातात हिरव्या बांगड्यांचा चुडा व कपाळाला कुंकू असा लूक केला होता. तर पूजाचा नवरा सिद्धेशने काळ्या रंगाचा पठाणी कुर्ता व त्यावर सुंदर नक्षीकाम असलेली शाल घेतली होती.
