Sunetra Pawar Deputy CM : राज्यात राजकीय घडामोडींना वेग आला असून, अजित पवारांच्या निधनानंतर दोन दिवसांत सुनेत्रा पवार उपमुख्यमंत्रिपदाची शपथ घेणार असल्याच्या चर्चा सुरु झाल्या. अस्थी विसर्जन केल्यावर त्याच रात्रीत सुनेत्रा पवार मुंबईच्या दिशेने रवाना झाल्या. आणि अखेर आज सुनेत्रा पवार यांनी उपमुख्यमंत्रिपदाची शपथ घेतली आहे. सुनेत्रा अजित पवार या महाराष्ट्राच्या पहिल्या महिला मुख्यमंत्री आहेत. पतीच्या निधनाचे दुःख न कवटाळत त्यांनी जनतेच्या हिताचा विचार केला. त्यांच्या कार्यकर्त्यांचा, नेत्यांचा आणि सबंध जनतेचा विचार करुन त्यांनी दुःख विसरत उपमुख्यमंत्रीपदाची शपथ घेतली.
“मला राजकारणात रस नाही…”, असं स्पष्ट सांगणाऱ्या सुनेत्रा अजित पवार यांनी आज महाराष्ट्राच्या पहिल्या उपमुख्यमंत्री म्हणून शपथ घेतली आहे. १९६३ मध्ये तत्कालीन उस्मानाबाद जिल्ह्यात जन्मलेल्या सुनेत्रा यांनी ३८ वर्षांच्या अजित पवार यांच्याबरोबरील सहजीवनात राजकारणातील अनेक चढ उतार पाहिले आहेत. लोकसभेला स्वतः व मुलाचा पराभव पचवला आहे. २०२४ मध्ये लोकसभा निवडणुकीच्या निमित्ताने प्रत्यक्षात राजकारणात आलेल्या सुनेत्रा पवार आज राज्यसभा खासदार असल्या तरी सामाजिक कामाचा शुभारंभ त्यांनी सासरी कोटेवाडीतून केला.
विधिमंडळाचा गटनेता पद म्हणून सुमित्रा पवार यांची एकमुखाने निवड करण्यात आली आहे. त्यामुळे अजित पवारांच्यानंतर इथून पुढे सुनेत्रा पवार यांच्या खांद्यावर पक्षाची धुरा असणार आहे. सुनेत्रा पवार (Sunetra Pawar) यांनी राज्याच्या उपमुख्यमंत्रीपदाची शपथ घेतल. यावेळी अजित पवार अमर रहे अमर रहेच्या घोषणा दिल्या गेल्या. यावेळी व्यासपिठावर राज्यपाल आचार्य देवव्रत, मुख्यमंत्री देवेंद्र फडणवीस आणि उपमुख्यमंत्री एकनाथ शिंदे उपस्थित होते. यावेळी लोकभवन दरबार ‘अजित पवार अमर रहे’ च्या घोषणेने दुमदुमला.
