लहान पडद्यावरील आघाडीच्या अभिनेत्रींमध्ये अंकिता लोखंडेचं नाव आवर्जून घेतलं जातं. अंकिताने ‘पवित्र रिश्ता’ या मालिकेतून अभिनय क्षेत्रामध्ये पदार्पण केले. या मालिकेतून तिला प्रेक्षकांची खूप पसंती मिळाली. त्यानंतर ती अनेक मालिका व रिॲलिटी शोच्या माध्यमातून समोर आली होती. नुकतीच ती ‘बिग बॉस’च्या १७ व्या सीजनमध्ये दिसून आली होती. या शोमध्ये तिने पती विकी जैनबरोबर सहभाग घेतला होता. या शोच्या दरम्यान अंकिता व विकीमध्ये वादावादीही पाहायला मिळाली. यावरुन दोघांच्या घटस्फोटाच्या चर्चादेखील सुरु झाल्या होत्या. (Ankita lokhande vicky jain wedding photo)
पण ‘बिग बॉस’ शो संपताच दोघांमध्ये सर्व सुरळीत असल्याचे दिसून आले. त्या दोघांमध्ये प्रेमही पाहायला मिळाले. आता सोशल मीडियावर दोघांचाही एक फोटो व्हायरल होत आहे.त्यावरून अनेक चर्चा सुरू झाल्या आहेत. समोर आलेल्या फोटोमध्ये दोघेही पुन्हा एकदा लग्नबंधनात अडकताना दिसत आहेत. त्यामुळे ते आता चौथ्यांदा लग्न करत आहेत असेही म्हंटले जात आहे.
सदर व्हायरल झालेल्या फोटोमध्ये विकी व अंकिता हे अग्निकुंडाभोवती हातात हात घेऊन फेरे मारताना दिसत आहेत. तसेच अंकिता दाक्षिणात्य पेहरावामध्ये दिसत आहे तर विकीने शर्ट व पॅंट परिधान केली आहे. दोघांनीही गळ्यात हार घातले आहेत तसेच हातात हात घेऊन एकमेकांकडे स्मितहास्यदेखील करत आहेत. बाजूला भटजीही उभे असलेले दिसत आहेत.
या दोघांचा हा फोटो व्हायरल झाल्यानंतर दोघे पुन्हा एकदा लग्नबंधनात अडकल्याच्या चर्चा करत आहेत. पण हे फोटो नक्की का काढण्यात आले आहेत याबद्दल मात्र कोणतीही माहिती समोर आलेली नाही. विकी व अंकिता १४ डिसेंबर २०२१ रोजी लग्नबंधनात अडकले. विकी हा उद्योगपती असून तो मुंबईमध्येच स्थायिक आहे. अंकिताच्या कामाबद्दल बोलायचे झाले तर ती कंगना रनौतच्या ‘मणिकर्णिका’ या चित्रपटात दिसून आली होती. त्यानंतर ‘बागी २’ मध्येही रितेश देशमुखबरोबर दिसून आली होती. आता ती अभिनेता रणदीप हुड्डाबरोबर ‘स्वातंत्र्यवीर सावरकर’ या चित्रपटामध्ये दिसणार आहे.
