ज्येष्ठ गायक व गझलकार पंकज उधास यांनी काल वयाच्या ७२व्या वर्षी मुंबईतील ब्रीच कँडी रुग्णालयात अखेरचा श्वास घेतला. त्यांच्या आकस्मिक निधनाने संगीत क्षेत्रासह सर्वच स्तरावर हळहळ व्यक्त केली जात आहे. त्यांच्या जाण्याने संगीत क्षेत्रामध्ये एक पोकळी निर्माण झाली आहे. पंकज उधास यांच्या निधनानंतर त्यांच्या कुटुंबियांनी अंतिमसंस्काराबाबतची माहिती शेअर केली. मुंबईमधील वरळीतील स्मशानभूमीमध्ये पंकज उधास यांच्यावर आज शासकीय इतमामात अंत्यसंस्कार होणार आहेत.
पंकज उधास यांची मुलगी नायाबने सोशल मीडियावर खास पोस्ट शेअर कारट त्यांच्या अंत्यसंस्काराबद्दल माहिती दिली. या पोस्टमध्ये “खूप जड अंतःकरणाने आम्ही सांगत आहोत की, पद्मश्री पंकज उधास यांचे दीर्घ आजारपणामुळे काल (२६ फेब्रुवारी २०२४) रोजी निधन झाले असून आज मंगळवार, २७ फेब्रुवारी २०२४ रोजी ३ ते ५ या वेळेत त्यांच्यावर वरळीमधील हिंदू स्मशानभूमीमध्ये अंतिम संस्कार केले जाणार आहेत” असं म्हटलं आहे.
आणखी वाचा – प्रसिद्ध गझलकार पंकज उधास यांना आज अखेरचा निरोप, राहत्या घरी पार्थिव आणल्यानंतर गर्दी, लेकही पोहोचली अन्…
अशातच पंकज उधास यांचे पार्थिव स्मशानभूमीमध्ये दाखल झाले असून त्यांचे संपूर्ण कुटुंबही पंकज उधास यांचे अंत्यदर्शन घेण्यासाठी स्मशानभुमीमध्य दाखल झाले आहे. सोशल मीडियाव एक व्हिडीओ समोर आला असून या व्हिडीओमध्ये पंकज उधास यांच्या दोन लेकी त्यांच्या आईसह पंकज उधास यांना शेवटचा निरोप देण्यासाठी स्मशानभूमीमध्ये दाखल झाले आहेत. त्याचबरोबर पंकज उधास यांचे अनेक कुटुंबीय व जवळचे काही नातलगही त्यांचे अंत्यदर्शन घेण्यासाठी स्मशानभूमीमध्ये पोहोचले आहेत.
दरम्यान, पंकज उधास यांच्या निधनानंतर मनोरंजन, राजकीय, तसेच अनेक क्षेत्रातील मान्यवरांनी त्यांना सोशल मीडियाद्वारे श्रद्धांजली वाहिली होती. तसेच या व्हिडीओखालीही अनेकांनी पंकज उधास यांना अखेरची श्रद्धांजली वाहिली आहे. त्याचबरोबर पंकज उधास यांच्या अनेक चाहत्यांनी त्यांच्या कुटुंबाला या परिस्थितीत खंबीर राहण्यास व धीर दिला आहे.
