बॉलिवूडच्या माध्यमातून अनेक कलाकार जगासमोर आले आहेत. यामध्ये काहींचे करिअर यशस्वी झाले तर काहींच्या वाट्याला अपयश आले. त्यातील एक महत्त्वाची अभिनेत्री म्हणून उदिता गोस्वामीचे नाव घेतलं जातं. जॉन अब्राहम, इमरान हाश्मी, तुषार कपूर यांच्याबरोबर तिने चित्रपटांमध्ये काम केले आहे. मात्र काही कालावधीनंतर तिने चित्रपटसृष्टीला रामराम केला. पण काही वर्षांपूर्वी ती अभिनेते नाना पाटेकर यांच्यावर केलेल्या आरोपामुळे ती चांगलीच चर्चेत आली होती. सध्या ती काय करते हे जाणून घेऊया. (actress udita goswami )
उदिताचा जन्म ९ फेब्रुवारी १९८४ रोजी देहरादून येथे झाला. तिचे वडील बनारसचे असून आई शिलॉंगची आहे. तिचे शालेय शिक्षण नववीपर्यंत देहारादून येथे घेतल्यानंतर तिने मॉडेलिंग करण्यास सुरवात केली. त्यानंतर आपले हिंदी चित्रपटामध्ये नशीब अंजमावण्यासाठी मुंबईमध्ये आली.
तसेच तिने ‘पेप्सी’, ‘टायटन’ या ब्रॅंडसाठी मॉडेलिंग केले. तसेच एका मॅगजिनमध्ये असलेले तिचे फोटो पाहून पूजा भट्टने तिला फोन करुन ‘पाप’ या चित्रपटासाठी ऑफर दिली. त्यानंतर लगेच तिने ही ऑफर स्वीकारली. सूत्रांच्या मते तिने आधी तीन ते चार चित्रपटांना नकार दिला होता. मात्र पूजा भट्टची ती चाहती असल्याने तिने तो चित्रपट स्वीकारला. एका मुलाखतीमध्ये आपल्या करिअरबद्दल सांगितले होते की, “१६ वर्षाची असताना मी एका फॅशन इन्स्टिट्यूटसाठी पहिल्यांदा रॅम्प वॉक केले होते.त्यानंतरच तिने मॉडेलिंगमध्ये करिअर करण्याचा निर्णय घेतला होता. त्यानंतर MTV मॉडेल फॅशन स्पर्धेसाठी घरी काढलेले फोटो पाठवले आणि त्यामध्ये तिची निवडही झाली होती. Elle magazine कव्हरवर छापण्यात आलेली पहिली महिला होती”.
‘पाप’ नंतर दोन वर्षांनी उदिताने इमरान बरोबर ‘जहर’या चित्रपटात दिसून आली होती. त्यानंतर ‘अगर’, ‘किससे प्यार करु’, ‘फॉक्स’मध्येही दिसून आली होती. माहितीनुसार तिला डीजे बनण्याची इच्छा होती. त्यामुळे तिने २०१२ मध्ये बॉलिवूड सोडण्याचा निर्णय घेतला. सध्या ती ४० वर्षाची असून ती आपले स्वप्न जगत आहे. डिस्क जॉकी म्हणून ती अनेक कार्यक्रम करते. इन्स्टाग्रामवर तिचे २३१ हजार फॉलोअर्स आहे.
