झी मराठी वाहिनीवरी ‘नवरी मिळे हिटलरला’ मालिकेत अनेक रंजक वळणं येत आहेत. अभिराम व लीलाची जोडी प्रेक्षकांना भावते आहे. नुकतंच वटपौर्णिमेला लीलाने एजेसाठी वडाच्या झाडाला १००१ प्रदक्षिणा घातल्या. तेव्हा वाटलं की, आता यांचं नातं रुळावर येईल. पण एजे-लीलाच्या आयुष्यात सगळंच गोड गोड कसं असेल. पण हळूहळू एजे-लीलाच्या संसाराची गाडी पुढे सरकत आहे. लीलाने एजेशी लग्न न करण्यासाठी अनेक प्रयत्न केले. पण अखेर किशोर जहागीरदारने केलेल्या प्लॅनिंगमुळे लीलाला एजेशी लग्न करणं भाग पडलं. अशातच नुकताच एजे व लीला यांचा रिसेप्शन सोहळा पार पडला आहे.
या खास रिसेप्शनला झी मराठी वाहिनीवरील सर्वच मालिकांमधील कलाकारांनी खास हजेरी लावली होती. अधिपती-अक्षरा, अर्जुन-अप्पी आणि आदित्य-पारू यांनी एजे-लीलाच्या रिसेप्शन सोहळ्याला खास हजेरी लावली होती. एवढंच नव्हेतर प्रेक्षकांच्या या लाडक्या जोड्यांनी डान्सदेखील केला. तसंच जहागीरदार कुटुंब, लीला, रेवती यांनीही या सोहळ्यात खास परफॉरमन्स केला होता. यावेळी जहागीरदारांनी नेमकी काय मज्जामस्ती केली याचे काही खास क्षण ‘इट्स मज्जा’च्या कॅमेऱ्यात कैद झाले आहेत.
लीला-एजे यांच्या रिसेप्शन सोहळ्यात जहागीरदारांच्या पडद्यामागील काही खास क्षणांची झलक इट्स मज्जाने आपल्या कॅमेऱ्यात टिपले आहेत. यावेळी सरस्वती व दुर्गा फुगे घेऊन एकमेकांबरोबर खेळत असल्याचे या व्हिडीओमध्ये दिसत आहे. दोघींनी डोक्यामध्ये फुगा घेत डान्स केला आहे. तर राज, प्रसाद, माधुरी, भारती हेदेखील फुग्याबरोबर खेळत असल्याचे यावेळी पाहायला मिळाले.
दरम्यान, या रिसेप्शन सोहळ्याला जहागीरदारांनी खास काळ्या रंगाच्या कपड्यांची थीम ठेवली होती. यावेळी एजेने काळ्या रंगाचा सूट परिधान केला होता. तर लीलाने लाल रंगाची सुंदर साडी नेसली होती. सुंदर वेणी, गळ्यात मोठा नेकलेस त्यावर मोठे मंगळसूत्र, हातात लाल बांगड्या आणि केसांत पांढऱ्या रंगाचे फूल असा खास लुक तिने केला होता.