बऱ्याचदा एखाद्या मालिका किंवा चित्रपटांत मुख्य कलाकारांपेक्षा छोट्या-मोठ्या भूमिका साकारणारे कलाकारही चाहत्यांच्या मनावर आपली छाप उमटवतात. त्यांच्या अभिनयामुळे ते आपलं पात्र इतकं छान पद्धतीने साकारतात की, प्रेक्षकांना त्यांचा विसर पडत नाही. ते कलाकार आपल्या भूमिकांमुळे ओळखले जातात. अशीच एक अभिनेत्री म्हणजे ‘माझी तुझी रेशीमगाठ’ मालिकेतील सिम्मी काकू अर्थात शीतल क्षीरसागर. ‘माझी तुझी रेशीमगाठ’ मालिकेत शीतल क्षीरसागरची भूमिका नकारात्मक असूनही तिने सगळ्यांच्या कौतुकाची थाप मिळवली होती.
त्यानंतर ती कलर्स मराठीवरील ‘रमा राघव’ मालिकेत आईची भूमिका साकारत आहे. आता ती ‘नवरी मिळे हिटलरला’ मालिकेतील मुख्य अभिनेत्री लीला म्हणजेच वल्लरी विराजच्या आईची भूमिका साकारत आहे. आपल्या अभिनयाने चर्चेत राहणारी शीतल क्षीरसागर सोशल मीडियावरही तितकीच सक्रिय असते. सोशल मीडियावर ती तिचे अनेक फोटो व व्हिडीओ शेअर करत असते. अशातच तिने नुकत्याच शेअर केलेल्या फोटोंमुळे सर्वांचे लक्ष वेधून घेतले आहे.
अभिनेत्री शीतल क्षीरसागरने नुकतंच एक फोटोशूट केलं असून या शूटमधील फोटोंची सध्या सोशल मीडियाववर चर्चा रंगली आहे. या फोटोमध्ये शीतलचा हॉट व बोल्ड अंदाज पाहायला मिळत आहे. यांमध्ये तिने गुलाबी रंगाचा शॉर्ट वन पीस ड्रेस परिधान केला असल्याचे पाहायला मिळत आहे. “Feeling starry” असं म्हणत तिने हे फोटो पोस्ट केले आहेत. तिचे हे फोटो पाहून चाहत्यांनाही भुरळ पडली आहे. मराठी मनोरंजन अनेक कलाकारांसह तिच्या अनेक चाहत्यांनी तिला याबद्दल दाद दिली आहे.
शीतलने शेअर केलेल्या या फोटोंना चाहत्यांनी लाईक्स व कमेंट्सद्वारे चांगलाच प्रतिसाद दिला आहे. चाहत्यांनी कमेंट्स करत असं म्हटलं आहे की, “शीतल या लूकमध्ये खुपक सुंदर दिसत आहे, खूपच छान दिसत आहेस, संतुर आई, लीला व रेवतीची संतुर आई, तू वल्लरीची आई नव्हे तिची बहीण दिसत आहेस” अशा अनेक कमेंट्सद्वारे चाहत्यांनी शीतलच्या या फोटोंना प्रतिसाद दिला आहे.
दरम्यान, शीतल क्षीरसागर गेल्या २० वर्षांपासून मनोरंजन सृष्टीत कार्यरत आहेत. त्यांनी आजवर ‘का रे दुरावा’, ‘एक होती राजकन्या’, ‘आई कुठे काय करते’, ‘माझी तुझी रेशीमगाठ, रमा राघव’ तसेच आता ‘नवरी मिळे हिटलरला’ अशा अनेक मराठी मालिकेतून त्यांनी अभिनयाची जादु दाखवली आहे. त्यांच्या वाट्याला आलेल्या सकारात्मक व नकारात्मक अशा प्रत्येक भूमिकांनी तिने प्रेक्षकांचे मनोरंजन केले आहे.