देशभरात तापमानात मोठी वाढ झाली आहे. महाराष्ट्रातीलही अनेक जिल्ह्यांमध्ये उष्णतेच्या लाटेचा यलो अलर्ट देण्यात आला आहे. त्यामुळे देशभरातील नागरिक उकाड्याने पुरते हैराण झाले आहेत. अनेकजण दिवसभरात अनेकदा अंघोळ करून शरीर थंड ठेवण्याचा प्रयत्न करत असतात.उकाड्यापासून बचाव करण्यासाठी अनेक मंडळी अनेक जुगाड करत आहेत. असाच एक जुगाड मराठी मनोरंजन विश्वातील एका मालिकेच्या कलाकारांनी केला आहे.
झी मराठी वहिनीवरील नवरी मिळे हिटलरला या मालिकेमधील एजे व लीला यांनी या उकाड्यापासून वाचण्यासाठी एक नामी शक्कल लढवली आहे आणि या शक्कलेचा व्हिडीओही त्यांनी सोशल मीडियाद्वारे शेअर केला आहे. Arti tales (आरती हरयन) या इन्स्टाग्राम पेजद्वारे हा व्हिडीओ शेअर करण्यात आला असून या व्हिडीओमध्ये एजे व लीला अर्थात वल्लरी विराज व राकेश बापट दिसत आहेत.
मालिकेत एजे म्हणजेच अभिनेता राकेश बापट हा कायमच सुटाबुटात असलेला पाहायला मिळतो. मात्र गरमीमुळे उकाड्यापासून वाचण्यासाठी त्याने शर्ट, टाय व त्यावर ब्लेझर असा वेश तर केला आहे, मात्र त्याखाली त्याने पॅंट वगैरे न घालता पायजमा परिधान केला असल्याचे पाहायला मिळत आहे. आता उन्हाळा चालू आहे त्यामुळे त्यापासून वाचण्यासाठी एजे अर्थात राकेशने केवळ क्लोजअप शॉटसाठी हा खास वेष केला आहे.
आणखी वाचा – मधुचंद्र काश्मीरला करायचा होता पण मग त्याआधीच…; ‘हसताय ना?, हसायलाच पाहिजे’च्या विनोदवीरांचे भन्नाट सादरीकरण
दरम्यान, उन्हाळ्यात उकाड्यापासून वाचण्याची त्यांची ही नामी शक्कल अनेकांना आवडली आहे. या व्हिडीओवर एजे व लीलाच्या अनेक चाहत्यांनी लाईक्स व कमेंट्स करत प्रतिसाद दिला आहे. तसेच उकाड्यापासून वाचण्यासाठी ही खूप भन्नाट कल्पना असल्याची प्रतिक्रियाही यावर व्यक्त केल्या आहेत.