संजय लीला भन्साळींच्या हिरामंडी या सीरिज धुमाकूळ घातला असून सध्या सोशल मीडियासह सर्वच माध्यमांमध्ये या सीरिजची चर्चा सुरु आहे. या सीरिजशिवाय या सीरिजमधील गाण्यांनी प्रेक्षकांच्या मनावर गारुड निर्माण केलं आहे. या सीरिजमधील गाणी ही सध्या सोशल मीडियावर मोठ्या प्रमाणात व्हायरल होत आहे. ‘सकाळ बन’ आणि ‘तिलमी बहन’ या गाण्यांबरोबरच या सीरिजमधील ‘आझादी’ हे गाणंही चाहत्यांच्या विशेष पसंतीस उतरत आहे.
या सीरिजमधील गाण्यांवर सोशल मीडियाकर अनेक रील व्हिडीओ बनत आहेत. अनेक कलाकार व सोशल मीडिया वापरकर्ते या सीरिजमधील गाण्यावर व्हिडीओ करत आहेत. अशातच झी मराठी वाहिनीवरील ‘नवरी मिळे हिटलरला’ या मालिकेतील एजेंच्या सूनांनी ‘आझादी’ या गाण्यावर रील व्हिडीओ केला आहे. या व्हिडीओमध्ये एजेच्या सूना हातात बॅग्स घेऊन घराच्या बाहेर पडताना दिसत आहेत.
सोशल मीडियावर या व्हिडीओला चाहत्यांनी लाईक्स व कमेंट्सद्वारे चांगलाच प्रतिसाद दिला आहे. अनेक नेटकऱ्यांनी एजेंच्या सूनांचा हा व्हिडीओ आवडल्याचे कमेंट्समध्ये म्हटले आहे. मालिकेत नुकतंच एजेची आई लीलाबरोबर घर सोडून गेल्याचं पाहायला मिळालं. यावेळी एजेच्या आईने एजेला तुला तुझ्या सूना जशा प्रिय आहेत, तशीच माझी सून मला प्रिय आहे असं म्हटलं होतं.
मालिकेच्या याच कथानकाचा धागा कायम ठेवत मालिकेतील या कलाकारांनी हा रील व्हिडीओ प्रेक्षकांचे लक्ष वेधून घेत आहे. शर्मिला शिंदेने तिच्या इन्स्टाग्राम अकाऊंटद्वारे हा मजेशीर व्हिडीओ शेअर केला आहे. ‘एजेंच्या सूना त्यांच्या ‘आझादी’च्या शोधात’ असं कॅप्शन देत तिने हा व्हिडीओ शेअर केला आहे.
आणखी वाचा – “ही मुलगी डोक्यात जाते”, मायरा वायकुळच्या व्हिडीओवर नको नको त्या कमेंट, खरंच ट्रोल करणाऱ्यांना हे शोभतं का?
“हा व्हिडीओ बघून पुन्हा पुन्हा हसत आहे, तुम्ही खूपच क्रिएटिव्ह आहात, हसणं रोखू शकत नाही, खूपच कमाल, खूपच भारी” अशा अनेक कमेंट्स करत या व्हिडीओला नेटकऱ्यांनी या व्हिडीओला प्रतिसाद दिला आहे. या व्हिडीओमुळे आता मालिकेच्या प्रेक्षकांना या मालिकेच्या पुढील कथानकाविषयी उत्सुकता लागून राहिली आहे.