अमृता देशमुख व प्रसाद जवादेची लगीनघाई सुरु झालेली पाहायला मिळतेय. ग्रहमख, मेहंदीचे अनेक फोटोस, व्हिडीओस सोशल मीडियावरून व्हायरल झाले आहेत. प्रसाद अमृताच्या मेहंदीच्या फोटोंनी लक्ष वेधून घेतलं आहे. यानंतर आज प्रसाद अमृताची हळद जोरात सुरु असल्याची पाहायला मिळतेय. अमृताच्या हळदीच्या लूकने सर्वांचं लक्ष वेधून घेतलं असून सोशल मीडियावर तिच्या लूकचं जोरदार कौतुक होतं आहे. (Namrata Sambherao On Pramruta Wedding)
प्रसाद-अमृताच्या हळदीसाठी सिनेविश्वातील कलाकार मंडळींनी हजेरी लावली असल्याचं पाहायला मिळत आहे. प्रसादच्या लग्नासाठी अभिनेत्री नम्रता संभेरावने हजेरी लावल्याचं पाहायला मिळत आहे. काही वेळापूर्वीच नम्रताने तिच्या इंस्टाग्राम स्टोरीवरून प्रसाद -अमृताचा हळदी लूक शेअर केला होता. यांमध्ये अमृता, प्रसादच्या हळदी लूकने साऱ्यांचं लक्ष वेधून घेतलं. फुलांच्या नक्षीने बहरलेला अमृताचा पिवळ्या रंगाचा ड्रेस आणि अमृताच्या ड्रेसला साजेसा प्रसादचा कुर्ता या फोटोमध्ये पाहायला मिळाला.
त्यानंतर आता नम्रताने शेअर केलेल्या इंस्टाग्राम पोस्टने आणि पोस्टच्या कॅप्शनने साऱ्यांचं लक्ष वेधून घेतलं आहे. नम्रता प्रसाद- अमृताच्या हळदीसाठी तिच्या कुटुंबियांसह गेली आहे. एकत्र कुटुंबाचा फोटो त्यांनी पोस्ट केला आहे, यांत नम्रता तिचा पती व त्यांचा मुलगा रुद्राज पाहायला मिळतोय. यावेळी तिघांचाही पिवळ्या रंगाचा ड्रेसकोड पाहायला मिळतोय. याखाली नम्रताने दिलेलं कॅप्शन साऱ्यांचं लक्ष वेधून घेत आहे. मामाची हळद असं कॅप्शन देत तिने हा फोटो पोस्ट केला आहे. यावरून प्रसाद हा नम्रताचा भाऊ असल्याचं समोर आलं आहे.
ग्रहमख विधी पार पडल्यानंतर मोजक्याच नातेवाईकांच्या उपस्थितीत प्रसाद व अमृता यांचा मेहंदी कार्यक्रम पार पडला. या सोहळ्याचे काही फोटोज अमृताने तिच्या इंस्टाग्राम अकाऊंटवर शेअर केले होते. तर प्रसादच्या दोन्ही हातांवर ‘अमृतमय जाहलो’ असं मेहंदीने लिहिण्यात आलेलं पाहायला मिळालं. चाहत्यांसह कलाकारांनीही या फोटोजवर लाईक्स व कमेंट्सचा वर्षाव केला आहे. ‘बिग बॉस मराठी’ कार्यक्रमातून एकत्र आलेल्या या जोडीमध्ये सुरुवातीला मैत्रीपूर्ण नातं होतं. त्यानंतर अवघ्या काही महिन्यांतच दोघांनी आपल्या नात्याची जाहीर कबुली देत चाहत्यांना सुखद धक्का दिला.
