Munawar Faruqui news : सुप्रसिद्ध स्टँड-अप कॉमेडियन मुनव्वर फारुकी सोशल मीडियावर नेहमीच कोणत्या ना कोणत्या कारणामुळे चर्चेत असलेला पाहायला मिळाला आहे. आता मुनव्वर एका विशेष गोष्टीमुळे चर्चेत आहे. मुनव्वरच्या घरी आनंदाचं वातावरण पाहायला मिळत आहे. कारण तो तिसऱ्यांदा बाबा झाला आहे. त्याची पत्नी महाजबी कोतवाला हिने एका सुंदर छोट्या देवदूताला जन्म दिला आहे. मुनव्वरने इन्स्टाग्रामवर एका पोस्टद्वारे ही आनंदाची बातमी चाहत्यांसोबत शेअर केली आहे. सध्या सोशल मीडियावर त्याच्यावर शुभेच्छांचा वर्षाव होताना पाहायला मिळत आहे.
मुनव्वर फारुकीने हॉस्पिटलमधील काही फोटो इंस्टाग्रामवर शेअर केले आहेत. एका फोटोमध्ये मेहजबीनने एका छोट्या परीला आपल्या मांडीवर घेतलेले दिसत आहे. तर दुसऱ्या फोटोत मुनव्वरने आपल्या पत्नीचा हात धरलेला दिसत आहे. ही छायाचित्रे पोस्ट करत मुनव्वर फारुकी यांनी लिहिले, “घर बरकत आयी… धन्य, अलहमदुलिल्लाह. विशेषतः तुमच्या प्रार्थनेत ते लक्षात ठेवा”. मुनव्वर फारुकी याने सोशल मीडियावर ही चांगली बातमी शेअर करताच, चाहत्यांनी आणि चित्रपट-टीव्ही उद्योगातील अनेक सेलिब्रिटींनी टिप्पणी विभागात या जोडप्याचे अभिनंदन केले. वरुण धवनने लिहिले, “अभिनंदन भावा”. अनेक चाहत्यांनी कमेंट सेक्शनमध्ये ‘माशा अल्लाह’ असेही लिहिले.
आणखी वाचा – चारवेळा गर्भपात, ६५ इंजेक्शन्स आणि…; सुप्रसिद्ध अभिनेत्रीला झालेल्या खूप वेदना, आता ४५ व्या वर्षी होणार आई
मुनव्वर फारुकीच्या वैयक्तिक आयुष्याबद्दल सांगायचे तर, त्यांचे पहिले लग्न जस्मिनसोबत झाले होते, ज्यापासून त्यांना मिकाईल नावाचा मुलगा आहे. नंतर कॉमेडियनने मेहजबीनशी दुसरे लग्न केले. मेहजबीनला आधीच एक मुलगी आहे. आता ती दुसऱ्यांदा आई झाली आहे. आता मुनव्वरला तीन मुले आहेत. त्याच्या वर्क फ्रंटबद्दल बोलायचे झाले तर, मुनव्वर फारुकी शेवटचा रिॲलिटी शो ‘पति पत्नी और पंगा’ मध्ये दिसला होता. त्याने हा शो सोनाली बेंद्रेसोबत होस्ट केला होता.
