छोट्या पडद्यावरील लोकप्रिय गायक-गायिकेची जोडी म्हणजे मुग्धा वैशंपायन व प्रथमेश लघाटे. आपल्या सुमधुर गायनाने या दोघांनीही प्रेक्षकांना मंत्रमुग्ध केलं आहे. ‘सारेगमप लिटिल चॅम्प्स’ या लोकप्रिय रिऍलिटी शोमधून मुग्धा व प्रथमेश या दोघांनाही लोकप्रियता मिळाली. मुग्धा व प्रथमेश यांनी एकमेकांसह लग्नगाठ बांधली. लग्नानंतर ही जोडी अनेक कारणांनी चर्चेत राहत असते. सोशल मीडियावर ते त्यांचे अनेक फोटो व गाण्याचे व्हिडीओ शेअर करत चाहत्यांच्या संपर्कात राहत असतात.
अशातच त्यांनी शेअर केलेला एक फोटो सर्वांचे लक्ष वेधून घेत आहे. आज गुढीपाडवा. हिंदू नवीन वर्षाचा पहिला दिवस. आजच्या या खास दिवसानिमित्त राज्यभरात सर्वत्र आनंदाचे व उत्साहाचे वातावरण पाहायला मिळत आहे. गुढीपाडव्याला मराठी नववर्षांचं उत्साहात आणि जल्लोषात स्वागत करण्यात येत आहे. नऊवारी साड्या, दागिन्यांचा साज, धोती, कुर्ते, शाल, फेटे असे पारंपरिक कपडे परिधान करत सर्वजण आज गुढीपाडवा साजरा करत आहेत.
अशातच आजच्या या गुढीपाडव्याचे खास औचित्य साधत मुग्धा-प्रथमेश यांनीही खास फोटो शेअर करत सर्वांना गुढीपाडव्याच्या शुभेच्छा दिल्या आहेत. पारंपरिक अंदाजातले हटके फोटो शेअर करत “तुम्हा सर्वांना गुढीपाडवा आणि हिंदू नववर्षाच्या खूप शुभेच्छा” असं म्हणत त्यांनी त्यांच्या चाहत्यांना नवीन वर्षानिमित्त व गुढीपाडव्यानिमित्त शुभेच्छा दिल्या आहेत. या फोटोमध्ये दोघेही छान दिसत असून त्यांच्या चेहऱ्यावर वेगळाच आनंद पाहायला मिळत आहे.
मुग्धा-प्रथमेशने शेअर केलेल्या या फोटोमध्ये हिरव्या रंगाची साडी परिधान केली असून त्यावर लाल रंगाचा शेला परिधान केला आहे. तर प्रथमेशने गुलाबी रंगाचा धोतर व त्यावर गुलाबी रंगाचेच उपर्ण घेतले आहे. या लूकमध्ये दोघेही खूपच छान दिसत असून दोघांचा हा फोटो त्यांच्या अनेक चाहत्यांचे लक्ष वेधून घेत आहे.
दरम्यान, मुग्धा-प्रथमेश यांचा हा लग्नानंतरचा पहिलाच गुढीपाडवा आहे. त्यामुळे त्यांच्यासाठी यंदाचा हा गुढीपाडवा अगदी खास आहे. तसेच त्यांनी शेअर केलेल्या या फोटोखाली अनेकांनी त्यांना गुढीपाडव्यानिमित्त शुभेच्छा दिल्या आहेत. त्याचबरोबर अनेकांनी त्यांच्या या खास पारंपरिक लूकचे कौतुकही केले आहे.
