सिनेसृष्टीतील बऱ्याच बहीण भावंडांच्या कलाकार जोड्या प्रसिद्ध आहेत. या भावडांच्या जोड्यांनी आजवर त्यांच्या अभिनयाने प्रेक्षकांची मनं जिंकली आहेत. अशातच आता प्रेक्षकांची लाडकी भावंडांपैकी एक जोडी म्हणजेच अभिनेत्री गौतमी देशपांडे व मृण्मयी देशपांडे. गौतमी व मृण्मयी या दोघीही अभिनय क्षेत्रात कार्यरत असून लोकप्रिय अभिनेत्रींनपैकी एक आहे. गौतमी व मृण्मयी या सख्ख्या बहिणी असून दोघांमधील बॉण्डिंग नेहमीच आपल्याला पाहायला मिळालं आहे. आजवर दोघींनी सिनेविश्वात एकत्र काम केलं नसलं तरी सोशल मीडियावर त्या बरेचदा एकत्र पाहायला मिळतात. (Mrunmayee Deshpande and gautami Deshpande)
सोशल मीडियावर गौतमी व मृण्मयी दोघीही बऱ्यापैकी सक्रिय असतात. विशेषतः मृण्मयी गौतमीबरोबरचे अनेक रील व्हिडीओ शेअर करत चाहत्यांच्या संपर्कात राहत असते. गौतमीला बहुतेकदा मृण्मयी त्रास देतानाचे व्हिडीओ शेअर करते. दोघींचे एकत्र अनेक रील व्हिडीओ पाहून नेटकरीही त्यांच्या व्हिडीओला पसंती दर्शवताना दिसतात. अशातच आता गौतमी मृण्मयीने ‘सिबलिंग डे’निमित्त शेअर केलेल्या एका व्हिडीओने साऱ्यांचेच लक्ष वेधून घेतले आहे.
या व्हिडीओमध्ये मृण्मयी गौतमीला त्रास देताना दिसत आहे. गौतमी मृण्मयी झोपलेले असताना मृण्मयीला झोप येत नाही म्हणून गौतमीचा जबरदस्ती हात घेत ती थोपटायला लावते आणि तिला झोपवायला सांगते. मात्र गौतमी तसं करण्यास नकार देते. तेव्हा ती जोरात तिचा हात बेडवर आपटते. हे सर्व त्यांची आई पाहत असते. आईने पाहिल्यानंतर त्या मृण्मयीला चांगलंच खडसावते. हे पाहून मृण्मयी झोपायचं नाटक करते. हा दोघी बहिणींचा गमतीशीर व्हिडीओ सध्या तुफान व्हायरल झाला आहे.
या व्हिडीओला नेटकऱ्यांनी अनेक प्रतिक्रिया द्यायलाही सुरुवात केलेली पाहायला मिळत आहे. “अरे देवा यांची भांडण कधी संपायची”, “तुम्ही दोघी अशक्य आहात खूप छान”, “आईचा ओरडा आवडला आणि लहानपणीची आठवण झाली”, अशा अनेक कमेंट करत व्हिडीओला पसंती दर्शविली आहे. शिवाय एका नेटकऱ्याने गमतीशीर कमेंट, “या दोघी नवऱ्याच्या घरी राहत नाही का?”, असा प्रश्न केला आहे. यावर गौतमीने हसण्याचं इमोजी पाठवलं आहे.
