ओटीटीवरील सर्वात लोकप्रिय वेबसिरीज ‘मिर्झापुर’ला प्रेक्षकांची खूप पसंती मिळाली. या सिरिजमधील सर्वच भूमिकांना प्रेक्षकांचे खूप प्रेम मिळाले. या सिरिजचे आतापर्यंत दोन भाग प्रेक्षकांच्या भेटीला आले आहेत. यातील कालीन भय्या, मुन्ना भय्या, बाऊजी, गुड्डू पंडित, बिना त्रिपाठी, गजगामिनी गुप्ता,बबलू पंडित या भूमिकांना प्रेक्षकांचे विशेष प्रेम मिळाले. पण आता या भूमिकांमध्ये काहीसे बदल झालेले आपल्याला पाहायला मिळणार आहे. या सिरिजचा तिसरा भाग लवकरच प्रेक्षकांच्या भेटीला येणार आहे. त्यानिमित्ताने ‘मुन्ना भय्या’च्या भूमिकेत असणारा दिव्येंदु शर्मा बद्दल नवीन अपडेट समोर आली आहे. (divyendu sharma on mirzapur webseries)
‘मिर्झापुर ३’मध्ये सर्वांचा लाडका असणाऱ्या मुन्ना भय्याची व्यक्तीरेखा सकारणारा दिव्येंदु शर्मा या भागात दिसणार नाही. यांचा खुलासा स्वतः दिव्येंदुने केला आहे. नवीन भागात तो तिसऱ्या भागात दिसणार नाही असे सांगितले आहे.
नुकताच दिव्येंदुने ह्युमन्स ऑफ बॉम्बेला दिलेल्या मुलाखतीमध्ये सांगितले की, “मी मिर्झापुरच्या तिसऱ्या भागात दिसणार नाही हे मी स्वतः घोषित करत आहे”. त्याच्या या विधानानंतर दुसऱ्या भागामध्ये त्याचा मृत्यू झाला आहे असं स्पष्ट होत आहे. त्याच्या भूमिकेबद्दलही तो व्यक्त झाला आहे. मुन्ना भय्या साकारल्यानंतर त्याची नेमकी काय परिस्थिति झाली होती याचा खुलासादेखील त्याने केला आहे.
या बद्दल तो म्हणाला की, “माझ्यासाठी ‘मुन्ना भय्या’ ही भूमिका साकारणे खूप कठीण होते. हा एक जबरदस्त भूमिका आहे हे मला सुरुवातीला वाटलं. तसेच मी आधी ‘बबलू पंडित’च्या भूमिकेसाठी ऑडिशन दिली होती. पण काही दिवसांनंतर मी मुन्ना भय्याच्या भूमिकेसाठी अधिक साजेसा आहे असं वाटलं”.
पुढे तो म्हणाला की, “जेव्हा मी ही भूमिका करत होतो तेव्हा माझ्या व्यक्तिमत्त्वावर खूप खोलवर परिणाम झाला. कोणत्याही भूमिकेमध्ये खोलवर जाऊ नये. ही भूमिका करणे हे माझ्यासाठी खूप कठीण जात होतं. तसेच ही भूमिका करताना मला कधी कधी घुसमट व्हायची. तसेच होई भूमिका केल्यानंतर तुम्ही किती गडद अंधारात जात आहात हे समजून येते”.
मिर्झापुरचा पहिला सीझन २०१८ साली प्रेक्षकांच्या भेटीला आला होता. यामध्ये पंकज त्रिपाठी, विक्रांत मेस्सी, अली फजल, कुलभूषण खरबंदा, दिव्येंदु शर्मा, रसिका दुग्गल, श्वेता त्रिपाठी असे अनेक कलाकार मुख्य भूमिकेमध्ये दिसले होते. त्यानंतर २०२० साली दुसरा सीझन आला. आता प्रेक्षक तिसऱ्या सीझनची आतुरतेने वाट पाहत आहेत.
