ओटीटी विश्वातील लोकप्रिय सीरिज ‘मिर्झापुर’चे आतापर्यंत दोन सीझन्स चाहत्यांच्या भेटीला आले आहेत. त्यामुळे या सीरिजच्या आगामी तिसऱ्या सीझनची चाहते आतुरतेने वाट पाहत आहेत. मात्र निर्माते सीरिजच्या प्रदर्शनाची तारीख जाहीर करण्यास उशीर करत आहेत. त्यामुळे अनेक चाहते नाराज आहेत. अशातच आता ‘मिर्झापूर’च्या चाहत्यांसाठीची एक खुशखबर समोर आली आहे. नुकताच या सीरिजचा पहिला टीझर प्रेक्षकांच्या भेटीला आला असून यामधून सीरिजच्या प्रदर्शनाची तारीखही जाहीर करण्यात आली आहे.
‘मिर्जापुर-३’चा हा टीझर इतका अप्रतिम आहे की, तो पाहिल्यानंतर सिरिजची वाट पाहणे आता कठीण झाले आहे. या टीझरमुळे चाहत्यांच्या अपेक्षा खुपच वाढल्या आहेत. या टीझरमधून गुड्डू भैय्या व कालीन भैय्या यांच्यात युद्ध रंगतानाचे दिसून येणार आहे. कालीन भैय्या मुन्ना भैय्याच्या खुनाचा बदला कसा घेतात? हे या आगामी सीझनमध्ये पाहायला मिळणार आहेल, तसेच गुड्डू भैय्या पुन्हा मिर्जापुरमध्ये आपली दहशत पसरवणार का? हे पाहण्यासाठीदेखील चाहते खूपच उत्सुक आहेत.
‘मिर्झापूर-३’च्या प्रदर्शनाच्या तारखेबाबत निर्माते बर्याच काळापासून कोडे खेळत होते. अखेर आज या सीरिजच्या प्रदर्शनाच्या तारखेबाबत घोषणा करण्यात आली आहे. येत्या ५ जुलैपासून ही सीरिज पाहता येणार आहे. ‘मिर्झापूर-३’मध्ये, पुन्हा एकदा पंकज त्रिपाठी, दिव्येंदू, रसिका दुग्गल, अली फजल, विजय वर्मा, विवान सिंग, शीबा चड्ढा आणि श्वेता त्रिपाठी आदी कलाकार दिसणार आहेत.
दुसऱ्या सीझनच्या शेवटी गुड्डूने मुन्ना भैय्याची हत्या केली होती. त्यामुळे आता लेकाच्या खुनाचा बदला कालीन भैय्या कसा घेणार? हे या तिसऱ्या सीझनमध्ये पाहायला मिळणार आहे. गोळीबार, रक्तपात आणि राजकारण याभोवती फिरणारी ही सीरिज पाहण्यासाठी प्रेक्षक खूपच उत्सुक आहेत. येतया ५ जुलै रोजी ॲमेझॉन प्राइम या ओटीटी माध्यमावर ही सीरिज प्रेक्षकांच्या भेटीला येत आहे.