Famous Singer Opens Up on Biggest Mistake : बॉलिवूडमधील फेम, रेड कार्पेट आणि टाळ्यांचा कडकडाट बाहेरून पाहताना सगळं काही स्वप्नच वाटतं. पण या चमकदार पडद्यामागे अनेक कलाकारांची वैयक्तिक आयुष्यं मात्र संघर्ष, चुका आणि कठीण निर्णयांनी भरलेली असतात. अशीच एक मन हेलावून टाकणारी कहाणी आहे, सुनिधी चौहान हिची. अलीकडे दिलेल्या एका मुलाखतीत सुनिधीने आपल्या आयुष्यातील एका अतिशय भावुक टप्प्याबद्दल खुलेपणाने बोलत सगळ्यांनाच आश्चर्यचकित केले. खूप कमी वयात म्हणजेच १८व्या वर्षी, तिने स्वतःपेक्षा बऱ्याच मोठ्या वयाच्या असणाऱ्या बॉबी खान यांच्याशी लग्न करण्याचा निर्णय घेतला होता. त्या वेळी तिच्या कुटुंबाचा तीव्र विरोध असूनही, प्रेमाच्या भरात तिने तो निर्णय घेतला.
सुरुवातीचे काही दिवस सर्व काही सुरळीत चालल्यासारखे वाटले, पण लवकरच नात्यात तणाव निर्माण होऊ लागला. विचारांतील फरक, अपेक्षांतील तफावत आणि वास्तवाची जाणीव, या सगळ्यांमुळे नात्यात भांडण होत गेली. अखेर लग्नानंतर अवघ्या वर्षभरातच दोघांनी वेगळं होण्याचा निर्णय घेतला. या अनुभवाबद्दल बोलताना सुनिधीने स्पष्ट शब्दांत कबुली दिली की, तो निर्णय तिच्या आयुष्यातील सर्वात चुकीचा टप्पा होता. मात्र, ती त्याला अपयश म्हणून नाही तर एक महत्त्वाचा धडा म्हणून पाहते. तिच्या मते, त्या प्रसंगामुळे तिला आयुष्याकडे पाहण्याचा दृष्टिकोन बदलला.
आणखी वाचा – ज्वेलरी ब्रँडबाबत प्राजक्ता माळीचा मोठा निर्णय, व्हिडीओ शेअर करत म्हणाली, “अजूनही बरीच कारणं…”
घटस्फोटानंतरचा काळ तिच्यासाठी अत्यंत कठीण होता. भावनिकदृष्ट्या ती खचली होती, पण तिने हार मानली नाही. तिने स्वतःला पुन्हा सावरण्यासाठी संगीताचा आधार घेतला. कठोर परिश्रम, सातत्य आणि आत्मविश्वास यांच्या जोरावर तिने पुन्हा एकदा स्वतःची ओळख निर्माण केली. आज सुनिधी चौहान केवळ एक यशस्वी गायिका नाही, तर अनेकांसाठी प्रेरणास्थान आहे. तिच्या आयुष्यातील ती वेदनादायक आठवण आता तिच्यासाठी एक शिकवण बनली आहे,जी तिला पुढे चालताना अधिक मजबूत आणि सावध बनवते.
आणखी वाचा – पूनम पांडे आई होणार?, बेबी बंप दाखवत शेअर केला फोटो, नेटकरी म्हणाले, “मुलाचे वडील कोण?”
