आपल्या दमदार अभिनयाने व साध्या राहणीमानाने मराठीसह हिंदी सिनेसृष्टीत कायम चर्चेत राहणारं एक नाव म्हणजे अभिनेते नाना पाटेकर. अनेक हिंदी व मराठी चित्रपटांमध्ये काम करत नानांनी मराठीसह हिंदी प्रेक्षकांचंही मनोरंजन केलं आहे. साधं राहणीमान, असाध्य दर्जाचा अभिनय ही नाना पाटेकर यांची खरी ओळख आहे असं म्हणायला हरकत नाही. आपल्या कठोर, बेधडक व बिनधास्त व्यक्तव्यांमुळे नाना कायमच चर्चेत राहिले आहेत.
अशातच त्यांनी नुकतीच ‘द लल्लनटॉप’ या युट्यूब वाहिनीला मुलाखत दिली. या मुलाखतीमध्ये त्यांनी त्यांच्या वैयक्तिक आयुष्याविषयी मोकळेपणाने संवाद साधला. यावेळी त्यांनी त्यांच्या व्यसनाबद्दलही सांगितले. याबद्दल बोलताना नाना पाटेकरांनी असं म्हटलं की, “मला सिगारेट ओढण्याचे व्यसन आहे. अंघोळ करतानाही मी सिगारेट ओढायचो. त्यावेळी मी दिवसाला सुमारे ६० सिगारेट ओढत असे. वासामुळे माझ्या गाडीत कोणी बसत नव्हते”.
आणखी वाचा – “आता इंग्रजी गाणी का गाते?”, नेटकऱ्याच्या प्रश्नावर केतकी माटेगावकरचं सडेतोड उत्तर, म्हणाली, “मराठी गाणी…”
यापुढे त्यांनी असं म्हटलं की, “मी कधीच दारु प्यायलो नाही, पण धूम्रपान भरपूर करायचो. पण, माझ्या बहिणीच्या काही शब्दांनी मला या वाईट व्यसनातून कायमची मुक्ती दिली”. माझ्या बहिणीने तिचा एकुलता एक मुलगा गमावला होता. त्यामुळे एके दिवशी बहिणीने मला धूम्रपान केल्यानंतर खोकताना पाहिले आणि तिने मला “आणखी काय बघायचे आहे?” असं विचारलं. तिचे ते शब्द ऐकून मी खूप दुःखी झालो आणि त्याच दिवसापासून मी सिगारेट सोडली”.
आणखी वाचा – आधी रुसवा, आता शत्रुघ्न सिन्हांचा आनंद गगनात मावेना, लेकीच्या लग्नानंतर म्हणाले, “झहीरबरोबर ती…”
दरम्यान, ‘क्रांतीवीर’, ‘नटसम्राट’, ‘परिंदा’, ‘वजूद’, ‘टॅक्सी नं. 9211’, ‘वेलकम’ यांसारख्या अनेक चित्रपटांमध्ये अभिनेते नाना पाटेकर यांनी महत्त्वाची भूमिका साकारत चाहत्यांचं मनोरंजन केलं. मराठी, हिंदी आणि दाक्षिणात्य सिनेसृष्टीत त्यांनी अनेक उत्कृष्ट कलाकृती सिनेसृष्टीला दिल्या आहेत. नाना पाटेकरांनी अभिनयाबरोबर आपल्या स्पष्टवक्तेपणाने आणि साधेपणाने प्रेक्षकांची मनं जिंकली आहेत. अशातच त्यांच्या या व्यक्तव्याचीही सध्या सोशल मीडियावर बरीच चर्चा रंगली आहे.